#بعد مرور أيام #
#يوم الاحد#
الساعة 6 الصبح#
دخلت مرام للغرفة لابسة زي الدوام وتأفأفت
بأنزعاج من شافت رغد متلحفة بالبطانية
ونايمة تقدمت منهة وشالت من عليهة البطانية
وهزت چتفهة بقوة وأردفت
"خايبة ماتگعدين وتفضيني بعد ساعة يجي
ابو الخط"
تأفأفت رغد بأنزعاج وفتحت عيونهة عالنص
وأردفت بنعاس
"مرام خليني نايمة خمس دقايق والله بعدني
نعسانة"
ورجعت غطت راسهة بالبطانية ونامت الحرگة
يلي خلت أعصاب مرام تغلي من الغضب وأردفت
بصوت عالي
"هاي بداية السنة وهيچ وحگ الله يارغد إذا
ماگمتي لاأجيب سطل مي وأچبة فوگ راسچ"
شالت رغد الغطة من على راسهة ودحچت على
مرام وهي فاتحة نص عين وأردفت بتذمر
"أووووف ياربي شبسرعة خلصت العطلة
والله بعدني ماشبعت منهة"
ضربتهة مرام بچف إيدهة على راسهة وأردفت
"يلا گومي لاتظلين تتبگبگين أسبحي ومن
تخلصين تعاي للمطبخ علمود نتريگ"
طلعت مرام من الغرفة ورغد بالگوة شالت جسمهة
من عالفراش بسبب خمولهة أخذت خاولي وملابس
من الگنتور وتوجهت للحمام يلي بالغرفة
ربع ساعة وطلعت من الحمام لابسة قميص أبيض
وتنورة سودة طويلة طبعاً هذة الزي الرسمي الخاص
بگليتهم گعدت عالگرسي گدام المراية وشسورت
شعرها البني الطويل وبعد ماگملت لفتة وطلعت
من الغرفة نازلة من عالدرج ومتوجهة للمطبخ گعدت
عالگرسي يلي حول الطاولة ومرام گاعدة گدامهة
وبعد ماگملن ريوگ غسلن إيديهن وفرچن سنونهن
وصعدن لغرفتهن لبست رغد الشال الأسود
ودحچت على مرام الواگفة گدام المراية تعدل
بشالهة وأردفت
"رايحة أگعد لارا علمود تحضر نفسهة قبل
ماتروح للمدرسة"
طلعت رغد من الغرفة ومتوجهة لغرفة لارا گعدتهة
وتنهدت براحة لأن لارا گعدت بدون ماتعبهة رجعت
للغرفة وأخذت جنطتهة السودة ونزلن هي ومرام
للطابق الأرضي ثواني وسمعن الهورن مال الخط
وطلعن صاعدات بالخط يلي يوديهن للگلية
نزل من عالدرج براس مرفوع وبخطوات ثابتة
لابس قميص رمادي وبنطرون جينز رصاصي
ولاف ساعتة السودة حول معصمة وعطرة
الرجولي يسبقة
أستغرب من لمحهة بالمطبخ وراد يعرف شدتسوي
لذلگ توجه للمطبخ ووگف بنص المطبخ وأردف
بخشونة
"شعدنچ گاعدة بهل وگت"
فزت من سمعت نبرتة الحادة والخشنة وألتفتت
وبلعت ريگهة بخوف وردت
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
