#الساعة 10 بالليل#
گاعدة سمر وية مرام ورغد بغرفتهن ديلعبن ورق
گامت سمر بحجت عطشانة ورايحة تشرب مي بس چان ببالهة شي ثاني أول ماطلعت من الغرفة أبتسمت
من أنتبهت على غرفة أسد وبدون ماتستأذن دخلت
وأستقبلتهة ريحة عطرة الرجولي چانت الغرفة
فارغة بس سمعت سمر صوت الدوش فعرفت أنو
أسد ديسبح بالحمام
غمضت عيونهة تشتم ريحتة يلي ملت الغرفة
چانت غرفتة باللونين الأبيض والأسود وبزاوية
الغرفة حاط أثقال
فزت على صوتة وألتفتت وشافتة واگف بطولة
الفارع لابس تيشيرت أبيض نص ردن وبيجاما
سودة وشعرة ينگط مي أردف بحدة
"شلون تدخلين بدون ماتستأذنين"
ردت سمر
"ماراح تسمعني حتى لو أدگ الباب لأنگ
دتسبح"
زفر أنفاسة بأنزعاج وأردف
"شعندچ بغرفتي بهل وگت المتأخر"
تقدمت سمر منة حتى صارت گبالة وأردفت
"الما يردة الشوگ چا شيردة؟! ماتدري ياأسد
شصار بية باليومين الماشفتگ بيهن حسيت
بروحي تطلع من جسمي"
رفع أسد حاجبة بأستغراب وأردف
"أنتِ ماتستحين آني چم مرة گتلچ ماگو نصيب
بيناتنة أنسيني سمر"
هزت سمر راسة للجهتين وأردفت
"إلا أنت ياأسد مستحيل أگدر أنساگ گولي
گلشي بس لاتگلي أنساگ حبگ ياأسد صار
مثل الأدمان"
رد أسد
"سمر أشتري لنفسچ شوية گرامة وأطلعي
آني تعبان وأريد أنام"
نطت سمر ظهرهة لأسد وأردفت
"أسد والخلق محمد ماأخلي أي بنية تاخذگ
مني أنت إلي وبس"
أنهت گلامهة وطلعت من غرفتة تربع أسد على
طرف الچرباية وأردف
"أشمالهن بنات هل وگت لاخجل ولامستحة
والله يالله"
دگت فاطمه الباب وسمحلهة تدخل وگالتلة أنو خوال
لارا وأبن خالها أجوي وهمة هسة گاعدين بالأستقبال
نزل أسد للطابق الأرضي وتوجه للأستقبال
تربع عالقنفة بصف ملهم گبال أحمد وعلي وگريم(خوال لارا) وعمر (أبن گريم الچبير) أردف أسد ببرود
"شرايدين؟!"
رد گريم
"أحنة جينة علمود ناخذ بنت أختي لارا ويانة"
عگد أسد حواجبة بأستنگار وأردف
"وأنتوا بأي حق جايين تاخذوها هااا؟!"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
