"أنسيني يارغد لأن علاقتنة أنتهت وهمين آني راح أتزوج وعرسي باچر"
ضحگت رغد ماجاي تستوعب الحچي اللي ديگولة أيهم وگالت
"حضرت الضابط آني ماأتحمل شقة بهيچي موضوع حساس"
عگد أيهم حواجبة وگال
"ومنو گالچ آني دتشاقة"
نفت رغد براسهة وگالت بصوت ضعيف تتوسل بي
"لا لاتگولهة الله عليك گول أنه الجاي تگولة شقة"
قوة أيهم روحة وماخلة صوتهة الضعيف وتوسلاتهة تأثر بي متلبس قناع البرود مرة ثانية وگال بخشونة
"إن صدگتي أو ماصدگتي هذة الشي مايهمني ورجائن لاتدگين علية بعد لأن ماريد مشاگل بالمستقبل وية مرتي"
وبعد ماگمل حچية هو قفل الخط ماينطي مجال لرغد أنه ترد ومن جهة رغد اللي أنصدمت من الحچي الجاي يگولة أيهم معقولة أيهم ينساها بهل سهولة ويروح يتزوج ولا گأنه حبو بعض بيوم!!
أنصدمت لدرجة چبيرة معقولة أيهم ماناطي لحبهم أي أعتبار لحتى مايمنحهة فرصة!!
ترست الدموع وجهة لرغد حاسة بگلبها ينغزهة بشگل أوجعها تحمر عيونهة من شدة قهرها وبچيهة بسبب أيهم اللي ماسوالهة أي أعتبار مقرر يتزوج ولاگأنه حبهة بفد يوم
يمتد چف إيدهة للسراحية الموجودة عالگومدينة ومتروسة مي تشمرها بالگاع بفرط عصبية وقهر يتطشر الگزاز بالگاع وتتبلل الگاع بالمي
شادة بعدهة بچف إيدهة على الچرچف مال الچرباية تنزل راسهة ضاغطة على سنونهة بقوة وگالت بغضب ممزوج بقهر
"حقيررر ونذلللل وچللللب ليششش ياربيي علقتتيي بواحد نذللل مثلة"
هربت شهگات مسموعة منهة تهتز أجتافهة بقوة تتگرر گلمات أيهم بأذانهة وبسبب شهگاتهة هي ماسمعت باب الغرفة اللي أنفتح تدخل مرام اللي أنصدمت بشوفة رغد بهالحالة تسنتج أنه أختهة منهارة من گثرة بچيهة وشهگاتهة وتگسيرهة للسراحية
تتقدم منهة بفرط خوف گاعدة بصفهة على طرف الچرباية لافة إيدهة على أچتاف رغد منزلة راسهة مقربتة لوجه رغد وگالت بصوت ناصي
"شبيج هالمرة ياعمري؟؟"
دارت وجهة على مرام تلتقي وجوهن وگالت بصوت مبحوح
"أيهم يامرام أيهم عرسة باچر وحك الله مشتهية أذبحة بإيدية الحقيرر النذللل"
أنمرد گلبهة لمرام من سمعت هالحچي تدري برغد متلعقة حيل بأيهم وبنفس الوگت خايفة على حالتهة لتسوء بسب زواج أيهم
ضمتهة لصدرهة بايسة راسهة وإيدهة بعدهة ملفوفة على چتفهة وگالت تستفسر منهة
"زين گلتيلة على طلاگچ من گنان؟؟"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
