ماريد ترجع بس المهم ترتاح
طمنوني عليهة وگلشي ماأطلب
ظل بالي عليهة الليلة وين تبات
بعدها صغيرة وأخاف بحضنة تستغرب!
༺༺༺༺༺༺༺༺༻༻༻༻༻
هستوة راد يطلع من الغرفة علمود يدور على رغد
بس وگف من سمع صوت باب الحمام اللي بالغرفة
ينفتح وگبل أندار يشوف رغد طالعة من الحمام
لابسة دشداشة وردية عريضة وتنشف شعرها الطويل
بالخاولي الأبيض وواضح انه چانت تسبح نفخ گنان أنفاسة براحة وگال
"حيل خفت عليچ"
شمرت رغد الخاولي بعشوائية عالگومدينة وتقدمت
من گنان حتى وگفت گبالة بس بعد مسافة عنة
وگالت
"گنان من هسة أگولك آني تزوجتك غصباً عني
ومو بأرادتي ولذلك من المستحيل أنه أگدر أعتبرك
زوجي وأتعامل وياك على هالأساس يعني أحنة
متزوجين بس گدام العالم أما بهذة البيت فآني
بغرفة وأنت بغرفة"
أبتسم گنان بأستهزاء ورد
"نفس الوضع صدگيني حتى آني مارايد هذة
الزواج بس أبوية جبرني وهددني إذا ماتزوجتچ
يطردني من البيت ويحرمني من الورث ومستحيل
أبات بالشارع لذلك قبلت أتزوجچ بس هسة خففتي
عني لأن عبالي بس آني مجبور"
تربع على طرف الچرباية ودحچ بعيون رغد وگال
"أگو غرفة جاهزة بصف هاي الغرفة تگدرين
تستقرين بيهة وآني راح أبقى بهاي الغرفة"
نفخت رغد أنفاسهة براحة تحس مي بارد ونزل
على گلبها بعد حچي گنان طلعت من الغرفة وراحت
للغرفة اللي گاللهة گنان عليهة وچانت الغرفة حجمهة
وسط يعني لاهي چبيرة ولازغيرة بيهة چرباية بنص
الغرفة وگنتور بزاوية الغرفة نزعت نعالهة وشمرت
جسمهة عالچرباية متمددة على ظهرها وعيونهة
عالسگف وگالت
"حتى لو تزوجت غيرك بس مستحيل أخونك
آني ألك وراح أبقة ألك لآخر نفس"
گامت من عالچرباية وتقدمت من الباب وقفلتهة
بالمفتاح تخاف لايهجم عليهة گنان وهي نايمة لأنه
تدري بي سگير وگلشي ممگن يسوي لذلگ قفلتهة
لحتى تأمن على روحها وعلگت البنگة بدون المبردة
لأن دخلوا بالشهر العاشر والجو گام يبرد
رجعت تمددت عالچرباية وتلحفت بالبطانية وغمضت
عيونهة بمحاولة أنه تنام وصدگ هي ثواني وغرگت
بالنوم
#نرجع بالأيام ليورة #
#ورة خطوبة رغد وگنان بيوم #
#الساعة 7 الصبح#
فتح باب الشقة بالمفتاح ودخل ساد الباب ورا
راح للغرفة اللي حابس بيهة لارا وطلع المفتاح من
جيب بنطرونة وفتحها ساد الباب ورا وأنتبة على
لارا اللي گاعدة بالگاع وضامة رجليهة لصدرهة
ومنزلة راسهة ووجهة شاحب وعيونهة ذبلانة
وهالات سودة جوة عيونهة تدل على أنه هي مانايمة
الليل گلة
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
