رواية ( بنت الوادي) الكاتبة/ سلمي سمير

الفصل (١٣)

#بداية_الخيط
#البارت_الثالث_عشر
*************"

حدقت فيها كاثرين بارتباك وتجمد فريد مكانه ونظر اليه بتساؤول مريب:
فرحه بتقولي فرحه،مش ممكن اللي في بالي

صمت لبرهه وضحك بسخرية ورد علي جيسي:
لا طبعا اكيد كاثرين هتودعها وانا معاها اتفضلي يا كاثي نودع فرحه قبل ما نمشي،

رحبت جيسي بهم من جديد واخذتهم الي غرفة الاطفال وقالت بحنان:
حبيبة قلبي نايمة زي الملاك، اول مره تنام براحه كده، الظاهر فريد حسسها بالأمان اللي بتفتقده، بحرمانها منك ومن ابوها، رغم محبيتنا ليها،

ابتلعت كاثرين ريقها بصعوبة بالغها وذعر داخلي تملك منها، وتقدمت الي داخل غرفة الأطفال وقبلت طفلتها وضمتها الي صدرها بحنان
فتحت سامتنا عيناها وابتسمت لها وقبلتها مع منحها ابتسامه بريئة، نظرت خلفها ،وأشارت الي فريد الذي كان ينظر إليهم بريبة، كي ياتي هو الآخر حتي تقبله
تقدم منها فريد وحملها من والدتها وضمها اليه وقال:
هرجعلك تاتي يا فرحه بس المرة الجاية هتجي معايا وهتعيشي في حضني ومش هنتفارق تاني ده وعد

أغمضت الطفله عيناها ونامت علي كتفه، فمددها علي فراشها ونظر الي جيسي وقال:
ليه قلت فرحه مش سامتنا، هي ليها اسمين، وايه سبب تسميتها باسم عربي مش اجنبي

ضحكت جيسي وربتت علي كتفه كاثرين الصامته بصدمه من وقت ذكر اسم فرحه وقالت:
بصراحه مش انا اللي سمتها فرحه، خالتها جاكلين
قالت إن ده اسم صديقتها اللي ماتت وبالذات ان البنت ليها ملامح شرقيه، بما ان والدتها أصلها عربي

طلبت منهم الخروج حتي لا يزعج وجوده طلفتها وطفلة كاثرين واكملت حديثها مع فريد بعفوية:
بصراحه جاكلين كل ما بتجي تزورها بتصر تناديها فرحه، لدرجة بقيت اقول عليها فرحه زيها في أوقات كتير، بالذات انه اسمها الحقيقي،

هز فريد راسه بتفهم وقال لكاثرين بصوت خافت:
فرحه وجاكلين، ياتري تعرفي ايه تاني عني يا مدام ومخبياها عليا، بس برافو عليكي بتعرفي تتصنعي البراءة كويس، بصراحه تنفعي ممثله

رمقته كاثرين بذعر وتجسدت علي محياها ملامح الارتباك والخوف وعدم الراحه بسبب نبرته صوته التي تحمل التهديد وردت عليها بتوتر:
مش. فاهمه تقصد ايه، مين فرحه ومالها جاكلين
ما قلت ليك أن ليا اخت من الاب
ثم ايه كلامك الفارغ عن اني بمثل عليك، هخدعك بتاع ايه، اصلا مفيش حاجه بينا تلزمني اقولك عن كل حاجه في حياتي بالتفاصيل

غامت عيناه بشر وجذبها اليه وقال فجأة مغيرًا وجهة الحديث بطريقه تسير الشك والريبة:
مش يلا بينا قبل الليل ما يدخل والشبورة تعذر الرؤية، والطريق طويل

ابتسمت لها جيسي بمودة وكذلك ستيف وقال:
فعلا مستر فريد السفر بليل خطر لان الطريق بيمر بجبال، عكس وانتو جايين الافضل تسافرو دلوقتي