رواية ( بنت الوادي) الكاتبة/ سلمي سمير

الفصل (٤)

#ضمير_غائب
#البارت_الرابع
*********************
أحتاج إلى الهدوء جداً، ففي داخلي ضجيج مدينة من الحنين، وفي قلبي أشلاء حكاية ممزقة، وفي عيني ملح بكاء ألف ليلة وليلة.
كان هذا حال فرحه التي رات نفسها بين شقي رحا، بين حياتها التي اختارتها وبين حياة ابيها الذي اصبحت علي شفير الهاوية،
لقد اكتشفت أصابة ابيها بمرض القلب واحتياجه الي تغير صمام وحالتها في تدهور مستمر
لهذا اسرع في تزويجها حتي يتركها مع رجل يعيلها
بدات تري تضحيات ابيها التي لم تكن تفهمها وقتها، جاليا امامها، من خدمه امها في عزبة الهانم، او عدم مقدرته علي العمل في الغيط، والاكتفاء فقط بالاشراف الذي جعل راتبه ضعيف لا يكفي طلباتهم،
وتاكدت ان هذا سبب قبوله ان تخدم هي الاخري لكي يحصل علي المال الذي يستطيع بها تجهيزها،
بكت وبكت حتي نحر قلبها من الحزن عليها وقالت:
اه يا بويا سامحني لاني شفت المال اغلي مني عندك لكن دلوقتي فهمت وعرفت اني ظلمتك
والواجب عليا  اردلك حقك فيا، انا روحي مش اغلي منك، وعمري قليل قدام  ساعه من عمرك ،

رفعت عيناها الباكية الي امتثال  هانم وقالت بحسم:
مقدرش يا ست هانم ارفض طلبك بعد كرمك عليا وعلي ابويا، بس استخلفك بالله، ابنك يطلقني قبل ما ابويا يجي ياخدني، وكمان  تعمليله العملية، اخواتي لسه صغيرين ومحتاجين ليه

لم تصدق امتثال حصولها علي موافقتها احتضنتها بقوة سعيدة بما انجزت، واخذتها من يدها الي مرحاضها الخاص وقالت:
ادخلي خدي حمام واتجهزي زمان الميك اب ارتست جاية هتعملك الميكب، متقلقيش ابني مش هيشوفك ولا هيعرف انه انت عروسته لانه ممكن يرفض بعد اللي عملتيه معاه امبارح
بس لازم اللي هيجو ياخدو منك الوكالة والمحامي يتاكد من وجودك اتفقنا يا فرحه

تنهدت فرحه بحزن والم وقالت:
اللي تقولي عليه هنفذه حاضر، بس توعديني ان ابنك يطلقني، كتب كتابي علي فاروق بكرة ومش عايزه فضايح ليا ولي لبويا اللهي يسترك

مسدت علي ظهرها وكفكفت دموعها التي تذرفها  بغزارها حزينه علي حالها وقالت لها تطمئنها:
اطمني بعد ما يستلم الميراث اوعدك اخليه يطلقك هو كده كده مسافر الصبح بدري يعني مفيش وقت
بعدها للطلاق، يلا ادخلي خدى حمامك علي ما اشوف المحامي جهز كل حاجه ولا لسه؛

دلفت فرحه الي الحمام وشعرت بفقرهم الشديد امام كل ما تراه امامه من ثراء وبذخ فقد كان الحمام يعج بالروائح والكريمات باحدث الماركات من منظفات الجسم والعناية بالبشرة والشعر
اشياء لم يخطر لها علي بال ان تراها او تستخدمها يوما، وفي لحظة اصبح كل هذا متاح لها
امام كل هذا تناست حزنها وما هي مقبله عليه من تضحية، واستمتعت بما اتاح لها من بزخ لن تعيشه  فيه مره اخري
****************
كانت سعادة امتثال لا تضاهي احد بعدما  شعرت بقرب، حصول ابنها علي حقه في  ميراث ابيها الذي كاد ان يحرم منه بمؤامرة من عمها الطماع،
نزلت الي الهول وطلب من  كل الخدم الاسراع في التجهيزات لان مراسم كتب الكتاب والزفاف علي وشك البدء،
وبعدها اتصلت بعادل كي تطمئن علي ابنها وعلي ما طلبته منه فاجابها:
متقلقيش يا طنط فريد موده بقي تمام، بعد ما اتقابل مع اصدقائنا في الجامعه، ساعة زمن وهنكون عندك
اما بالنسبه لشهادة الميلاد انا جبتها وكل شئ جاهز، واتفقت مع خالو سامح والمأذون، يعني اطمني ابنك النهاردة باذن الله، هيكون الوريث الشرعي لاملاك  جمال الديميري حقه المشروع من ابوها حافظ بيه