رواية ( بنت الوادي) الكاتبة/ سلمي سمير

البارت (٧)

#صدمة
#البارت_السابع
******************
لا تعلق روحك الفانية بالخلود،  فالافضل الا تتعلـــق بشــيء، في هذا الكون فــكلنـــا ذاهبــون، وإن أحببــت حــب بصمـــت فلا داعــى للجنـــون،
و لا تتحـــدث عـــن كرهــك للبعـــض، فربمـــا فــي داخلهم حبـــاً لك فــي قلبهم يخفـــون، فمـــا الحيـــاة ســـوى مطـــار، قادمــون منـــه ومغـادرون.

من داخل المستشفي الاستثماري
ثار فاروق ووصل غضبه علي فرحه عنان السماء لانه اعتبرها سبب في وفاة عمه ابيه الروحي الذي عوضه فقده لابيه منذ كان طفل صغير فاقسم ان يبحث عنها ويقتلها حين يعثر عليها كي يريح روحه عمه في مأواه الاخير

نهره صبحي البوتب وقال له:
ذنبها ايه البنيه، غلبانه وتاهت ربنا يرد غيبتها، ده بدل ما تدور عليها وتبرد قلب انها واخواتها عليها،
كل اللي همك تقتلها وترد كرامتك، مش حال انت خطيبها وعارف اخلاقها كويس

وضع فاروق يده علي راسه وبكى بحرق قلب:
الكارثة اني عارف اخلاقها وطبعها الحامي، وده مش هيشفع ليها في بلدكم، بالعكس هيطمع الناس فيها وهيستفز اي راجل انه يكسرها وكله بسبب جمالها،
علشان كده باكد ليك بنت عمي ضاعت وياعالم يمكن اتقتلت، او اتخطفت وانكتب عليها الحرام

رفع راسه ونظر اليه بحسرة وانكسار واكمل:
ولو قلت يمكن ربنا وقعها مع ناس تتقي الله فيها،
كان زمانها رجعت فرحه مش جاهلة دي متعلمه، وعارفه بلدها وتقدر تروح اي قسم وتبلغ او يوديها اللي لقاها لأي قسم ووقتها هيرجعوها البلد
مدرستها كانت قدام المركز يعني سهل ترجع لبيتها؛

عاد ووضع يده علي راسه واخذ يردد بحسرة:
اه يا بت عمي يا فرحه وانطفي قنديلها قبل اوانه، صدقني يا عم صبحي البندر مش غريب عليا وياما شوفت فيه ، علشان كده انا باكد ليك لو بنت عمي تاهت تبقي راحت خلاص، علشان كده  ابوها مات من حسرته عليها؛
لاما تكون هربت من الجواز مني، وفي كلتنا الحالتين الموت نصيبها ده لو مكنتش اتقتلت ورمو جتتها،

تنهد بقوة زافرًا حزنه والمه الجاثم علي صدره وقال:
دلوقتي مقدميش غير حل من اتنين لادفنها لو كانت اتقتلت او اسيح دمها واحفظ شرف عمي

وصرخ فجاة بعويل حسرة ووجع علي خسارتها:
اه يا قلبي عليكي يا فرحه حسرتي عليكي وعلي نصيبك اللي انكتب عليكي يا غالية يا بت الغالي

هز صبحي راسه بحزن عميق سكن بداخلها علي تلك الشابة الجميلة التي كانت النظرة في وجهه ينشر البهجة والسرور في النفوس وقال:
كلام موزن وسليم، بس يمكن عربية خبطتها وفي المستشفي، قوم ندور عليها في الاقسام يمكن حد مبلغ عن وجودها وان شاء الله ربنا هيعترنا فيها وهتكون بعزتها وشرفها ، مش فرحه اللي تفرطت بسهوله، ولو حصل الموت عليها اهون

انتعش الامل في قلب فاروق ونهض والحماس يشتعل بداخله للبحث عنها لعله يعثر عليها  في مستشفي او احد عثر عليها ولم يستدل علي شخصيتها، فاخذ بيدها وقال:
يلا بينا وادعي ربنا يعترنا فيه واردها لامها واخواتها اللي مش حمل صدمتين باختفاءها وموت ابوها
وخرج الاثنين يبحثان عنها، بلا امل لانها مع زوجها الذي اقنصها من حياتها البسيطة الي حياة لا تعلم عنها شئ ،
ومرت الايام وعاد فاروق الي البلد واقام العزاء لعمه
وعاهد زوجتة عمه بالبحث عن فرحه دون كلل او ملل حتي يعثر عليها لو بعد حين،ووقتها سيكون مصيرها بيدها، لاما يدفنها بجوار عمه او يتزوجها كم عاهده ان كانت مازالت ببراءتها وعفتها،
***************
في انجلترا
بعد مرور شهر علي سفرها، اعتادت فرحه علي حياتها مع فريد الذي كان يغيب عنها طوال اليوم  واوقات كان باليوم او الاتنين ، كانت تخاف من جلوسها لكنها استسلمت الي قدرها
اما فريد فقد اعتزلها تمام ملتزمًا بوعده لها،  اما هي فقد اختارت دور الخادمة لنفسها غير مقتنعه بكونها زوجته، لهذا كانت تعمل كالخادمة من تنظيف البيت وتجهيز طعامه، رغم انه كان لا يتذوق اكلها الذي كانت تقضي اليوم بطوله في تجهيزه،
ذات يوم عاد من الجامعة ودلف الي غرفته واتاه اتصال دولي فرد بسرعه:
ماما حبيبتي وحشتيني اخيرا فتحت فونك