رواية ( بنت الوادي) الكاتبة/ سلمي سمير

الفصل ٢٢

#مواجهة
#البارت الثاني والعشرون
*******************
إذا كنت حقاً تريد الهروب من أشياء تؤرقك، فما تحتاجه ليس في أن ترحل إلى مكان مختلف؛ بل أن تكون أنت شخصاً مختلفاً
بعد وصولها الي مكتب عادل أتت الصدمه من حديثه عن فريد بأنه متدين ولم يشرب الخمر في حياته

فردت عليه بنزق بعد أن تحكم فيها غضبها وتذكرت ليلته الاولي معاها وكيف تمم زواجه منها تحت تأثير الخمر وقالت بحنق:
لا شرب وده سبب انه تمم جوازنا، يمكن لو كان فائق كنت قلت اني عجبته واتجوزني لنفسه
لكني كنت غلطه، انت واصحابك بعد فرحنا خرج معاكم، ورجع الفجر سكران طينه
ونسي ان مخطوبة لغيره وجوازنا كان إنقاذ موقف
وتمم جوازه مني لانه سكران ومنتشي

ضحك عادل بسخرية وقال:
جبتي منين الكلام الفارغ ده، فريد اول ما وصلنا البار رفض يقعد معانا، وقال لينا وهو غضبان
انا جاي أسهر معاكم ولا تحملوني ذنوب ورفض يقعد معانا او حتي يشرب كاس بيرا مش خمرا
وكلنا بيقنا نتربق عليه أنه مستعجل يرجعلك، لكنه ثار علينا وبالذات انا لاني عارف سبب الجوازة واخرتها انها هتكون علي الورق بس، لكن قبل ما يمشي جاله تليفون ووشه اتقلب وخرج يجري
بعدها مقابلتوش تاني ولا اعرف أنه خدك معاه غير لما رجع مع سوسن اللي كانت حامل وتعبانه جدا
وكان بالصدفه كمان
لاني وقتها كنت بدور عليكي بطلب من امتثال هانم شخصيا وهي حرصت علي أن فريد ميعرفش،
لما روحت أبلغه باني مش قادر اوصلك لقيت فريد داخل مع والدتك واخواتك علينا وبيبلغ والدته أنهم هيعيشو معاها علشان يكونو تحت، رعايته اكرامنا ليكي ولابنه اللي حامل فيه وبيه ربط بين العلتين
وقتها عرفت انك سافرتي معاه وتمم جوازه منك وانك حامل بطفل لكنك هربتي منه دون ذكر اسباب

هزت فرحه راسها برفض تام وقالت:
مستحيل فريد كان سكران هو قالي كده، ايه يجبره يتمم جوازنا وهو اصلا بيحب بنت عمه

فجأة شرد عقلها وهي تتذكر حالته يومها فقد كان بكامل وعيه ولم يبدو عليه الثمالة
حينها لم تكن تعرف كيف يكون حال المخمور، لكن بعدما عاشت في انجلترا ورأت أحوالهم وهو يشربون الخمر في جميع وجباتهم، صدمت فقدت تأكدت أن ما يقوله عادل صحيح بأن فريد لم يشرب الخمر
فقد رافقته كتيرًا أثناء تنكرها بكاثرين، وكانت تتناول معه العشاء لم يطلب لنفسه ولا مره الخمر أو النبيذ

نظرت إليه بذهوله وسألته كانها تسال نفسها:
طيب ليه اتجوزني وربط نفسه بيا مدام كان فائق
وفي وعيه، ولو انا مش غلطة ليه اتجوز عليا

مط عادل شفتاه بتعجب وقال:
السؤال ده إجابته عند فريد، قبل ما ترفعي قضية طلاق او خلع وتزيدي من غضبه عليكي واجهيه،
يمكن ترتاحي لما تعرفي هو اتجوزك ليه

هزت جاكلين راسه وإيدت كلام عادل:
فعلًا يا فرحه لازم تواجهه في حاجات بدأت تظهر تأكد ليكي أنه اتجوزك لشخصك مش غلطه زي ما كنت بتتوقعي روحي ليه، كلميه بلاش العند والغباء يضيعكم من بعض انا واثقه أن فريد بيحبك