أصل .

1

-

*الروايه تعتبر روايه جديده + جزء ثاني لرواية بعيد عنك (تقدرون تقرونها فوراً لو انكم مو قارين بعيد عنك لكن افضل شخصياً انكم تقروا بعيد عنك قبل) .

*كل الافكار الي بالروايه افكار الشخصيات ف بدون شخصنه رجاءاً (و خصوصاً الي تخص الاوطان ذي خاصه بتفكير الشخصيات مو تفكيري انا) .

-اتمنى منكم و اترجى ان لو في جزئية او مشهد من الروايه كلها ما اعجبكم انكم تتخطوه ببساطه او لا تقرأوه من الاساس و لو الروايه بكبرها مو عاجبتكم ف لا تقرأوها بعد ، لكن لا تجوون و تكتبون كلام مؤذي بس عشان في شي مو عاجبكم فيها .. وبس خلونا نتعايش بلطف .

-

الرياض

مطار الملك خالد الدولي

11:16 صباحاً

قرب بين الحشود الكبيره من الناس للثلاثه الي واقفين على جنب في مكان شبه فارغ شوي مع شناطهم و هو متجاهل نظرات التشاؤم الي ماليه وجوههم

ابوهم مد لهم علب المويه : خذوا اشربوا

سحب الي جالس على وحده من الشنط علبه و الاثنين الي وراه بعد اخذوا

كمل ابوهم : انا بروح عند امكم نشتري كم حاجه من ذا المحل و نجي اعدلوا وجيهكم ابرك لكم

و راح تاركهم و هم باقي 'قالبين وجوههم'

نطق مالك و هو يناظر حوله : انا حرفياً مدري كيف ابوكم عاجبه المكان هنا

جولي : يقولك وطنيه يعني

مالك : يلعن ابو الكذب له اكثر من 24 سنه تاركها تو ما يتذكر حب الوطن ؟

جولي : انا مو متحمله اساساً فكرة اني بعيش هنا

مالك : ذا سجن اقسم بالله

جولي : و فوقها يبي يخليني اتحجب غصب !!

مالك : خير مو بكيفه

جولي : للأسف هنا الوضع بكيفه

مالك : وش ذا المكان الي جينا له !!

جولي : يعني بس تخيل الوضع من تنوره قصيره و كروب توب ل عبايه و حجاب الزاميات !! ببكي

مالك : حسبي الله احنا لو باقين هناك و هم رجعوا مو احسن ؟

جولي : يخوي هم ما خلونا نستقل لحالنا يوم بلغنا تبيهم يتركونا بباريس و يجون هم هنا ؟