أصل .

4

-

حس بشخص يهزه و صوت يناديه وسط احلامه السوداويه

و ما هي ثواني و فتح عيونه بتعب كون نومه يعتبر شوي خفيف بس الادويه تنومه غصب

شاف تميم جالس عنده و يمسح على راسه بحب

تميم : وش عنده حبيبي نايم لهالوقت ؟

مازن ابتسم ببهوت و بصوت فيه بحة النوم : تعبان

تميم : يخسي التعب وانا اخوك

مازن قرب منه و حط راسه على رجول تميم و الاخير صار يمسح على شعره

تميم : وش صاير لك يا روح اخوك ؟

مازن همس بصوت متعب : احبه

تميم سكت لين دخلوا هالاثنين الغرفه مع بعض مقفلين الباب بالمفتاح و بيد مالك كيس سناكات كثيره و جولي كانت شايله علب بيتزا و مشروبات

مالك : باقي ما قام ؟ خلصونا ترا جوعانين

مازن رفع راسه ناظرهم و بعدها رجعه بحضن تميم

جولي حطت الاغراض على الطاوله نفس ما سوا مالك و قربت منه جالسه جنب تميم

جولي : طيب قوم لك من الصبح نايم

مازن مغمض عيونه : ما ابي

مالك جلس جنبهم متربع : و الحين بصيرلك هدى حسين و اخليك تفضفض لي

تميم : مافي الا احنا هنا تقدر تقول كل الي نفسك فيه بس قوم و تكلم

مازن تنهد و جلس قدامهم بهدوء بوجهه الذبلان و تنفس بعمق و هم منتظريه يتكلم

مازن : وش اقول ؟

جولي : الي في خاطرك

مازن سكت و سرح شوي لين عينه لمعت و هو يجول في نفسه عن كلام يقوله

و ما طلع منه الا : احبه

تميم : و ؟

مازن : و ما اتحمل انه معاه

نزلت دمعه من عينه و صار يكمل ببطء معتادين عليه من فتره طويله كونه عرض اساسي من الاعراض الي عنده

مازن : احس بألم كبير بصدري و قلبي يوم اشوفه معاه يوم يتكلم عنه يوم اشوف راسه بالجوال و يكتب و انا اعرف انه يكلمه احس الدنيا كلها تكرهني فذي اللحظه لاني انا احبه هو و هو ما يحبني نفس ما احبه