أصل .

13

-

7:30 صباحاً

دخلوا البيت الاثنين و شافوه و هو طالع من غرفته و يرتب نفسه

التفت لهم و ابتسم : صبحكم الله بالخير

جولي و مالك : صباح النور

مالك : وش ذي الكشخه يا رجال؟؟ ناوي تلعب بذيلك بغياب اخوي ؟؟

طلال ضحك و هو يعدل قميصه : اكبح افكارك

جولي : فتحوا لنا نايف و يوسف و كانوا مستعجلين لما طلعوا

طلال : مدري وش فيهم يقولون عليهم اختبار يبون يروحون يذاكرون له مع اخوياهم مبكر

مالك و هو يطلع من المطبخ بعد ما اخذ كاسة مويه بيده : وش هالذكاء العظيم ذا

طلال : اخوي ذكي ترا

مالك : طيب الذكي حقنا احنا وين ؟؟

طلال : بغرفته مقفل على نفسه اصريت عليه يطلع يفطر و ما رضى يقول مو مشتهي

جولي توترت : بطني تعورني من التوتر والله وش حاله هو المسكين

طلال : احس الموضوع عادي بس انتوا مكبرينه

مالك يأشر لباب غرفة مازن : وراك ما تعرف اخونا الي يبالغ بكل احساس يحسه زق عكسي انا لو تنحرق الدنيا اخر همي

جولي : هو عنده احساس احسن منك

طلال : مدري للامانه بس وضعه غريب هاليومين

جولي : كيف ؟؟

طلال : يعني اغلب وقته صار يحبس نفسه بالغرفه عكس قبل كان يجلس معاي و نسولف مع بعض بس الحين هاليومين صار حتى ما يقوم من فراشه

مالك : عادي ذا الوضع

طلال عقد حواجبه : عادي ؟؟

مالك : ايي ذا طبيعي بمستوى مرضه وراك ما شفت لما يمر اسبوع بدون ما ينطق حرف ذي الرعب الحقيقي

طلال : جد يسوي كذا ؟؟

جولي هزت راسها بالايماء : ايي و مهما نحاول معاه ما يتكلم و تحس ما فيه روح

طلال : و كيف تخلوه يرجع يتكلم ؟؟

جولي : لحاله يصحى بيوم و يرجع طبيعي جدا و عادي يكمل و لا كأنه الي له اسبوع مبكوم