أصل .

8

-

4:30 مساءاً

جولي : طيب وش رديتي عليها ؟

سحاب و هي منسدحه تناظر السقف : ما رديت

جولي ناظرتها و هي تطلع الفستان من العلاقه حقه : عفواً ؟

سحاب : قلت لها ابي وقت

جولي : اي وقت ؟؟ انتي تحبيها ليش تطولي الموضوع !!

سحاب تنهدت : خايفه

جولي : من وشو ؟؟

جلست سحاب و صارت تناظرها و هي شبه عاريه بس بالاندروير و الستيانه حقتها : مدري بس اخاف ان مشاعر اني لعبه بالنسبه لها الي كنت احسها زمان ترجع

جولي و هي تلبس الفستان : غبيه انتي؟؟ ترا هي الي تتوسل فيك و تبيك يعني ما في لعب بالموضوع

سحاب : الحين اتركينا من هالسالفه و خلينا معاك

جولي : هييي انتي لا تغيري الموضوع .. بتروحي لها و تقوليلها نرجع لبعض و خلاص

سحاب تنهدت : طيب طيب

جولي سكرت سحاب الفستان و التفتت لها : كذا حلو ؟؟

ناظرت سحاب الفستان الابيض القصير الي لابسته : هممم حلو بس مو رايحه لنادي ليلي انتي و فتحة صدرك ذي

جولي : صدري وين اخبيه !

سحاب : البسي عدل تراها عزومه عائليه بيطلعون فيك مية عيب و مية شغله حتى لو ما فيك شي

جولي صارت تفصخ : البس جلابيه يعني عشان يعجبهم ؟؟

سحاب ناظرت بخزانتها من بعيد : وش ذا البنفسجي هناك ؟؟

جولي سحبته و الي كان فستان ستان متوسط الطول للركبه و بأكمام طويله و فتحتة صدر بارزه شوي

سحاب : ذا حلو

جولي : الحمدلله

سحاب : بس البسي معاه شال غطي فيه صدرك

جولي صارت تلبسه : طيب ليش ما اروح بالبيجامه ؟ والله اريح

سحاب : من كلامك اهل اهلك كلهم بيجون و يعني واضح انها جلسة شوفني و اشوفك ف روحي بكل اناقتك

جولي بعد ما لبسته : و انا اكره جلسات التفاخر ذي

سحاب : الله على جمال الفستان العقيد اصف بيموت لما يشوفك