أصل .

S.P. "أسبوعين"

-

بعد مرور أسبوعين

3:45 مساءاً

مشى و هو شايل الصينيه الصغيره الي فيها صحن رز و عليه قطعة دجاج متوجه فيهم للتحت السرداب و الي كان يحتوي غرفه صغيره على جنب

فتح اقفالها بالمفتاح و دخل : باقي نايمه؟؟ قومي تغدي

جولي الي كانت متسدحه على السرير الوحيد المتوسط ذي الغرفه الفارغه و مغطيه عيونها بذراعها بعدت ذراعها و ناظرته : كان خليتوها للعشاء بعد؟؟

حط الصينيه بالارض و ايفان الي كان من اول يلعب مع حاله بالغرفه ركض فوراً للصينيه لما شافها

نطق : و تتشرطي بعد؟؟

وقفت : افف لا السموحه

قرب منها لين صاروا وجه بوجه : اقول ابلعي و انتي ساكته

جولي : اقول مجيد كل هالمده مع بعض ما تعلمت الذرابه بالكلام؟؟

خزها مجيد : وانتي ما تعلمتي الاحترام؟؟

جولي اشرت للصينيه الي ايفان جلس ياكل منها : لا والله ما اشوفكم احترمتوا طلبي يوم اقولكم جيبوا لنا حليب

مجيد : ترا نجيبه بالعشا بس مو بكل وجبه

جولي : الطفل يحتاج يشرب حليب ولا بتسوون فيه سوء تغذيه بعد؟؟ جيبه بكل وجبه لا تبخلون وانتوا خاطفينا فوقها

مجيد : ليتنا مستفادين من هالخطف شي

جولي : اجل استفادوا من اخلاق المجرمين البقيه و احترموا الاسرى

زفر بقلة صبر و لف بيمشي : عن الهذره الزايده

مسكت ذراعه موقفته : اقول لا تنسى نحتاج كيس بامبرز جديد

غمض عيونه بقلة صبر و هو معطيها ظهره متنهد : طيييبب

همس بعد ما تركته و هو يطلع : الله يصبرني

طلع و قفل الباب عليهم تاركهم لحالهم الاثنين بالغرفه الصغيره ذي و الي ما كان فيها الا السرير حق شخص واحد و الي جولي كانت تنام فيه و منيمه بحضنها ايفان عليه و بعد اكياس البامبرز الي جولي تطلبهم لأيفان من اول و لحسن حظها كانوا مستجيبين لذا الطلب جداً و يجيبوه لها عكس طلبها بحليب له الي ما كان يتوفر الا مره وحده باليوم

و كان مجيد هو حلقة الوصل لتنفيذ طلباتها و هو كان المسؤول عنها هي و ايفان و حراستهم ما كانت تشوف احد يدخل عليها غيره هو رغم ان في حراس كثير برا لكن ما كانت تشوف غيره و بس كم مره من الاسبوع الي فات دخل عليهم شخص كان مُريب جداً و جولي ما ارتاحت له و لنظراته و اسلوبه الاكثر من مقزز معاها لكن لحسن حظها رجع مجيد بعدها لعندهم