أصل .

6

-

بعد مرور يومين

11:19 صباحاً

تنهدت بتعب و هي تراجع اختبارها بكومة الاوراق الي قدامها على طاولة الكافية

: جيلينا

رفعت راسها : هلا وليد

وليد : كيفك ؟

ابتسمت له : بخير الحمدلله وانت ؟

وليد : بخير ، الا بسألك مازن مو مداوم هاليومين ابي اعرف كيفه ؟

جولي : بخير بس تعبان شوي

وليد : فيه شي ؟ صارله شي ؟؟

جولي : لا تخاف هو كذا لما يتضايق يحبس نفسه و ينام ما يقوم حتى ياكل

وليد قرفص قدام كرسيها : ابي عنوان بيتكم ابي اشوفه

جولي : صدقني ما بتستفاد شي ما بيستجيب لشيء لي انا و اخوي من يوم المشكله نحاول نتكلم معاه بس هو مو راضي حتى يفتح عينه و يناظرنا

وليد بترجي : بس بتطمن عليه بقوله ان الي فيه مو عيب و انه شي طبيعي ما بيفيد الي يسويه في نفسه

جولي عضت شفايفها شوي بعدها نطقت : تمام عطني رقمك و برسلك اللوكيشن

تبادلوا الارقام و رسلت له العنوان

وليد : شكراً مره انا بس اخلص دوام بمركم

جولي : تمام بنتظرك

مشى عنها و هي تفكر ان ممكن وليد ذا يساعد مازن بالي هو فيه جد

قاطعت افكارها قعدت برق على الكرسي جنبها : تأخرت عليك ؟

التفتت لها : الصراحه ؟ ايي

برق ضحكت : اسفه

جولي : وش كنتي تسوين كل هالوقت ؟ ملاحظه كل مره انك تستأذني تروحي الحمام و مره تطولين

برق : هذا وانا احاول ما اطول

جولي : فيك سكر ؟

برق ضحكت : لا لا مو الي في بالك

جولي : اجل ؟

برق و هم يتبادلون النظرات : جيلينا كيف اصحابك في باريس ؟

جولي عقدت حواجبها : وش دخل السؤال ذا بسؤالي ؟