أصل .

S.P. "اربع طلقات"

-

9:30 مساءاً

فتحت الباب حق السياره نازله و هي تكلم زوجها : الحمدلله وصلنا مبكر

ابو تميم و هو باقي بالسياره بعد ما رن جواله : انتي ادخلي لبين ما اشوف هالاتصال

ام تميم : من ذا الي يتصل بذا الوقت؟

ابو تميم : موظف عندي بالسفاره

ام تميم همهمت و سكرت الباب حق السياره متوجهه لداخل البيت و هي تشوف سيارة اصف و سيارات عيالها الاربعه مصفوفه بالحوش و هالاجتماع اسعدها بشكل كبير

دخلت البيت شايله شنطتها بيدها اليمين و تسكرها بيدها اليسار مكمله مشي للصاله و هي تسمع اصواتهم و كانت بتنادي عليهم لكن استوقفها عند المدخل حق الصاله الكلام الي سمعته

اصف يتنفس بعنف و هو يحرك يدينه بعشوائيه يحاول يشرح : مدري مدررريي كانوا معاي بس مدري وين راحوا

مالك : لا تجنني كييف يعني ما تعرف؟؟؟؟؟

تميم قرب من اصف و هو متمالك اعصابه : اصف حبيبي قولي كيف ضاعوا منك و انت تقول انك كنت معاهم ما تركتهم؟؟

اصف : كان عندي اتصال مهم لازم اسويه ف لفيت ظهري عنهم و قلت لها لا تتحركي لين ارجع و هي شوي بس شوي لفيت ظهري و بعدها اختفوا و ما لقيت بس لهاية ايفان

مالك : يااا ربييي

احمد بغصه و هو ماسك لهاية ايفان بيده : الحين وش نفهم من هالكلام؟؟؟؟؟؟

اصف زفر بقلق يهمس : مدري !

مازن مسك يد احمد يهدئه بينما هو بحد ذاته قلقان و الخوف متملكه حاله من حال اخوانه

اما الي واقفه عند المدخل كانت متصنمه من الي سمعته و كأنها تستوعب الكلام و تحاول تفسره و تفهمه او تحاول تفهمه بغير الواضح منه

ابو تميم الي قرب منها مستغرب : دلال وش فيك واقفه هنا؟؟

ام تميم بملامح واضح عليها الفجعه ناظرته لثانيتين قبل ما تلف و تدخل عند البقيه الي التفتوا لها فور دخولها هي و زوجها

تميم : يمه..؟

تقدمت منهم بخطوات هاديه و عينها تهتز غصب عنها و بخفوت واضح نطقت : ا- اختكم وين؟

الكل ساكت و هي عينها لفت عليهم كلهم بملامح القلق الي متملكهم و الغصه تجمعت بصدرها