أصل .

S.P. "اموت لأجلك"

-

8:00 مساءاً

وقفوا السيارات حقهم قدام الموقع بمسافه و نزلوا يجهزون اسلحتهم و يتأكدون من ذخيرتها

اصف حط المسدس حقه على خصره و مسك البندقيه من طراز M16 يتأكد من ذخيرتها هو بعد

قرب منه حمزه بهالاثناء و بيده بندقيته بعد كون اساساً البقيه كلهم متجمعين بالجهه الي جنبهم

تكلم حمزه بهدوء : سألتني مرتين قبل سؤال و ما جاوبتك عليه بالمرتين

اصف سكر بندقيته و ناظره بعقدة حواجب خفيفه يحاول يتذكر

حمزه كمل يذكره بسؤاله : "ليش ما تخليني اشارك بالعمليات و المهام؟"

اصف تذكر و ضحك بخفه : بتجاوبني الحين؟؟ حسبت بس كذا عناد فيني ما تخليني اشارك اثاري جد في سبب

حمزه و هو باقي يناظره و نطق بهدوء : عشاني اخاف عليك

ضحكة اصف بهتت بأستيعاب

كمل حمزه و هم يناظرون بعيون بعض : اخاف يصيبك شي و وقتها افقد اخر سبب يخليني اتمسك بهالحياة

انفاس اصف ثقلت و هو يتأمل وجهه و عيونه الصادقه بنفس مستوى صدق كلامه

يد حمزه اليمين مسكت يده اليمين بعد و ناظر بعيونه مكمل : لما خليتك تشارك بعد مده طويله بمهمه ف كانت موافقتي بس عشانك بتكون معاي و قدام عيني احميك لا يصيبك شي و الشرط الي قلت عنه و نجحت فيه انت؟؟

اصبع ابهامه يمسح على يده و هو مكمل : انك تطلع منها سالم بدون اي اذيه

اصف مشاعره كلها متلخبطه بشكل كبيييررر و يحس بألم بطنه يمتد لأطرافه و عينه ممكن تغرق بأي لحظه مو عارف وش يسوي

حمزه قرب خطوه منه و هالخطوه كانت قريبه جداً بالنسبه لموقفهم الحين و المكان الي هم فيه لكن اللواء ما اهتم و كمل يناظر بعيون معشوقه

حمزه : وافقت تشارك معانا اليوم عشانك بتكون معاي ف انتبه لنفسك ولا يضرك شي و تخليني اكره نفسي و قراراتي الي تتراجع عندك

اصف بدون وعي منه اومئ له و عينه باقي متواصله بعين الثاني الجديه

ابتعد حمزه خطواته لورا و فصل التواصل البصري و يدينهم شايل سلاحه و رفع صوته للبقيه : يلا شباااب

انتبهوا له كلهم و اصف رمش يجر انفاسه بصعوبه يركز معاه

اشر حمزه لل20 عسكري الملثم و بيده اسلحته من المدربين على اعلى مستوى : تتوزعون من ورا ابيكم تحاوطون البيت و لما ندخل ابي بس 10 منكم يدخلون و ال10 البقيه يوقفون برا في حال صار فيه هروب