-
البارت حق اليوم طويل مره و كله احداث لكن ممكن تصادفوا اخطاء املائيه شوي هذا عشاني استعجلت بالتدقيق عشان انزله لكم اليوم ف اتمنى تتجاهلوا اي خطأ و بس استمتعوا 3>
-
-
5:40 مساءاً
صوت ضحكاتهم تعالت و هم مجتمعين مع بعض الجمعه الي غابت عنهم لفتره طويله
نطق بسيل بعد ما هدئوا : الا وش صار على السالفه حقكم ؟
تميم و بحضنه ايفان الي جالس و يلعب بالدب الصغير : قالولنا بيعوضونا مادياً مع فترة اجازه على كيف كيفنا
محمد : مو مستوعب كيف يغلطون كذا غلط ممكن ينهي حياة كل الي راكب الطياره
تميم : تخيل يوم عرفوا ان طاقم الصيانه الي غلطانين يا ان تشوف الالوان الي قلبت وجوههم لها
منصور : كم بتاخذون تعويض ؟
فهد كان حاضن سعود و الاكبر مسوي نفس الشي و محاوطه : من الحين لو ما نتعامل بالملايين برفع قضيه
بيان : حبيبك توه قبل يومين طالع من تهمته خله يعطيك من الي سرقهم
سعود : لاحظي في فرق انا مو منصور
منصور : ايااام والله ذكرتني فيها
محمد : اقوى سرقة سرقها كانت شيبس ايام ما كان بزر
بيان : و قفطناه بنفس الدقيقه
طلال : مسكوه قبل لا يبدأ مشروعه
مالك : وش تتكلمون عنه ؟
التفتوا له و هو طالع من الغرفه
محمد : وش ذا الاتصال الي له ساعه ؟
مالك جلس جنب سحاب : انا انسان ناجح مو نفسكم
كنان : خذلك طاقة غرور
مالك : يحق لي
ناظر مالك بسعود و فهد : هذول ما ناوين يفكون عن بعض ؟
بسيل : علمنا علمك
فهد : موتو ما بتركه
مالك : جالس تطيح من عيني اكثر فهودي
فهد : عقبالك و اشوفك كيف بتكون لما تحب
مالك : علزق
أنت تقرأ
أصل .
Romance"بقرار رجعتهم مُجبرين لبلدهم يواجهون اشياء ما توقعوها ابداً" - BXB GXG 'عاميه' - started : august 23 , 2023 ended : september 30 , 2023
