أصل .

15

-

7:10 مساءاً

: بنات خلصتوا ؟

التفتوا لها و هي داخله الغرفه حق خلود بكامل كشختها الي هم بعد متكشخين حالهم من حالها

خلود : ايي و ننتظرك من اول

بيان التفتت تدور : اجل وين سحاب ؟؟

دخلت بذي اللحظه : جيت

التفتوا لها و هي كاشخه بعد

ساره : و اخيرا خلصتوا

بيان ابتسمت لمنظر سحاب و قربت منها : يه يه وش ذا الجمال كله

سحاب خجلت : عيونك الحلوه

بيان : لا والله انك انتي الي متسمي الجمال بأسمك

ابتسمت سحاب بخجل و عيون بيان تتأمل كل شي فيها من فوق لتحت و بسمتها معتليه وجهها

وعد : اقول انتوا الثنتين ترا مو وقت مدح زايد كذا بنتأخر

بيان التفتت لها : طيب طيب فهمنا امشوا قدامي

مشوا البنات كلهم مع بعض و الي كانوا سحاب و بيان و ساره و خلود و وعد و عهد و اسماء و مريم و صاروا ينزلون مع بعض لتحت و هم يسولفون

ساره : ياخي علياء و موج غبيات ما يجون معانا

اسماء ضحكت : علياء من انخطبت و هي مسحتنا من حياتها

ضحكوا كلهم و نطقت سحاب : الحب قوي عليها

خلود : و موج وش عندها لها مده طويله لا تجلس معانا كثير وما ترضى تطلع كل لما طلعنا ؟؟

مريم : ذي محد يعرف وش صاير فيها

اسماء : البنت صارت انطوائيه فجأه

نزلوا الصاله و الي كعادتهم اللطيفه كانت الجده و كناينها جالسين مع بعض يسولفون

الجده : هلا بناتي المزيونات

قربوا و باسوا راسها وحده بعد الثانيه

الجده : الله يرضى عليكم يا حبيباتي

اسماء لفت حول نفسها : جدتي شوفي عبايتي الجديده حلوه ؟؟

الجده : حلوه بس ليش كذا لونها ؟؟

اسماء و هي تتنهد بسبب لون عبايتها الوردي : يااا جدهه