أصل .

14

-

9:10 صباحاً

قرب منه بعد ما سحب كل اوراق الاختبار من الطلاب

الدكتور : مازن نفس ما اتفقنا الاسبوع الجاي ابيك تجي تختبر الي فاتك بحسب لك الدرجه الي بتطلعها مرتين عشان الوقت ما يضيق عليك

مازن اكتفى يهز راسه له و الدكتور ربت على كتفه و توجه لمكتبه يشيل الاغراض حقه و هو يتكلم : خلونا نشوف لو ذاكرتوا هالمره عدل

واحد من الطلاب : الخير و البركه فيك دكتور

الدكتور ضحك : و لما تمسك المريض بعد كم سنه تبي تعالجه تقوله الخير و البركه فيك بعد ؟؟

وليد : على الاقل مراعاة يا دكتور عشان ننجح بس

الدكتور : بنشوف وش مجاوبين اول

طلع الدكتور ساحب شنطته

مازن وقف من مكانه تحت انظار احمد الي يتأمله بعد و هو يمشي طالع لبرا و جولي هالمره ما كانت موجوده تنتظره

يمشي مازن بالممرات الي يمشون فيها باقي الطلاب الي بحماس و الي يضحك و الي يسولف الا هو يمشيها بكل هدوء

قاطع الهدوء وليد الي حاوط رقبته و هو يمشي معاه : يالاخ تراني اناديك

مازن مكمل يناظر طريقه

وليد : يا حظك ما اختبرت معانا اليوم هالاختبار الزق مدري كيف يجيب الاسئله هالدكتور

ساكت و وليد مكمل : الا ما قلتلي لي كل ذيك المده ارسل لك ليش ما ترد ؟؟

وليد لما ما لقى رد : ما تبي ترد يعني؟؟ طيب براحتك بس تراني معاك اليوم ما بتركك بحالك

شده له : بنروح الكافي ؟ يلا امشي

التفت : وينه هالأمجد !! ياخي سلحفاة

رجع ناظر قدام يكملون مشي : ما عليه بيلحقنا

-

جالسين كلن في مكانه يسمعون شرح الدكتور الي قدامهم و الي فاهم منهم و الي مو فاهم و الي اساساً سرحان نفس الي جالس اخر مقعد و هو متوتر

شاف ان شاشة جواله انورت شوي ف عرف ان وصله اشعار و سحبه بسرعه منزله تحت الطاوله يشوف و للأسف ما كان من الشخص المطلوب

قروب 'مصيبه جديده'

جولي
"وش فيك؟؟"