أصل .

5

-

*ملاحظه سريعه لكثرة الاسئله و هي جود ولد ولا بنت ؟ الجواب جود ولد ، و بخصوص اسمه فهو اسم للجنسين .

-

بعد مرور 5 ايام

8:40 صباحاً

دخلت الغرفه المليانه شباب متسدحين بكل مكان الي نايمين و هم جالسين بوضعيه مو صحيحه و منهم الي متكي راسه على الي جنبه بس الواضح ان نومتهم ذي مو مريحه ابداً

بأستثناء كمال الي نايم على السرير بوجه اصفر و بحضنه محمد محاوطه بخوف كأنه بيفقده

سكرت الباب و حطت الاغراض الي جايبتهم معاها على الطاوله كانوا شنطة ملابس و اكياس فيها اكل من البيت مجهزينها

رغم انها فتحت الستاير و الاضويه الا انهم كلهم باقي نايمين بعمق

كسروا خاطرها واضح عليهم التعب جد و هم حرفياً من اول ما دخل كمال المستشفى و كلهم هنا ينامون عنده من عيال العم و حبايبهم بعد محد تارك المكان و حتى اشغالهم كلها اجلوها و ما صاروا يداومون و يدورون عن اي متبرع لكن للأسف مو لاقين

بيان تنهدت و صارت تصحيهم : عيال .. يا عيال

محد صحى : قوموا يلا

قربت من محمد الي متوسط ذراعين كمال و مسحت على راسه

بيان : محمد حبيبي قوم اكل

محمد فتح عيونه بتعب و بخفوت : وش صاير ؟

بيان : ولا شي بس الدنيا صبحت قوم جبت لك ملابس جديده قوم تروش و غير عشان تاكل بعد جبت اكل

محمد هز راسه و التفت لكمال الي صحى معاهم و يناظره

محمد : صباح الخير حبيبي

كمال ابتسم و بصوت مُتعب : صباح الخير

مسح كمال على وجه محمد بيده لما راحت بيان عنهم تصحي البقيه : شوف عيونك كيف تعبانين

محمد : انا مو مهم الحين انت و بس كل همي

كمال : لا تقول كذا انت اهم شخص عندي

محمد : انا ابيك بس تتشافى و تكون بصحه و عافيه بس ذا الي ابيه

كمال : ربك كريم حبيبي الا ما تنحل

محمد : وربي بقلب الدنيا عشان القى متبرع لك

كمال باس راسه : هالحين قوم اكل لقمه و بعدين هالكلام