أصل .

7

-

11:39 مساءاً

يسوق السياره و جنبه اخته و التعب باين على وجوههم راجعين من المستشفى و هم مُنهكين

قربت سيارتهم من البيت حقهم و مالك فتح جواله متوجه لتطبيق انظمة البيت و ضغط على خيار "فتح البوابه" حق البيت و بأثناء تقريبهم وضح لهم الشخص الي جالس قدام البيت على الرصيف و راسه بين رجوله

مالك اشر : شوفي

فتحت عيونها بعد ما كانت مغمضتهم و شافت لوين اشر و همست : يا ربي

مالك دخل بالسياره لحوش البيت من الباب المفتوح و الي صار يسكر لحاله لما دخلوا و احمد لما شافهم يدخلون قام و لحقهم بسرعه

نزلوا الاثنين من السياره و احمد يقرب منهم بملامح كل الخوف الي في الدنيا ماليها

احمد : وين مازن ؟؟

ما ردوا عليه ف قرب من جولي و مسكها من اكتافها و يصرخ برعشه : مازن وين تكلمي !!

جولي فكت نفسها منه : اتركه خلاص

احمد : وش اتركه ذي ؟؟ جاوبيني مازن وش صاير معاه ؟؟

مالك قرب بهدوء : احمد قالتلك اتركه الولد مو متحمل

احمد برعشه : طيب جاوبوني شفيه ؟؟ هو بخير ؟؟ وش صاير له ؟؟

جولي : مو بخير و يبي يكون بخير الحين

مالك : كفايه الي صار ذا كله

احمد : وش صاير له ؟؟ حلفتكم تقولولي

مالك لف وجهه عنه ما يقدر ينطق

جولي : احمد هدي نفسك ما فيه شي سيء مره بس يبي يبعد

احمد و دمعه من عينه نزلت : وينه ؟؟

سكتوا الاثنين ما يبون يقولون مكانه يبون اخوهم يتحسن

احمد رعشت شفايفه بألم يحس انه مو بخير و متأكد من هالشي نطق الرعشه بصوته : ابي اكلمه

مالك ربت على كتفه : تصبح على خير

مشى هو و اخته لداخل البيت تاركينه و هو واقف لحاله بقهر عمره و حياته ما حسه و هو متأكد ان مازن مو بخير و ان في شي صاير و هم ما يبون يعلمونه و الاهم من ذا كله ان مازن باقي زعلان منه

دموعه صارت تنزل بشكل اقوى و غصب جبر نفسه يجر رجوله و يطلع متوجه لبيته يطلع و يعرف ان هالمكان ما يعني له شي لو مازن مو فيه