أصل .

S.P. "اصيل و اصف و جولي"

-

مركز الشرطه

10:20 صباحاً

فرك صاحب الرتبه الاعلى عيونه و هو ينطق : اي وقت موعد التسليم بالضبط؟؟

واحد من الضباط : 11 الليل سيدي

همهم و هو يناظر فيهم كلهم و يفكر

يمان نطق يقطع افكاره : الافضل اننا نحاوط المكان قبل المغرب عشان ما يحسوا و بعد في حال غيروا اي شي يكون لنا معرفه

نطق صاحب رتبة الرائد : بس كذا بيجذب نظرهم الموضوع

يمان : بيجذب نظرهم لو فشلنا بالتخفي المبدئي

واحد من الضباط : المنطقه الي فيها اللقاء و التسليم منطقه سكنيه يعني نحتاج نندمج بسهوله

نطق اللواء حمزه صاحب اعلى رتبه بينهم بهدوء : بتتدرجون بالتسلسل كل اربع ساعات بيروحون اثنين لين تجي الساعه 11 و كل الدوريه و باقي الشرطه بيلحقونكم

من وجوههم واضح عليهم الرضى بالخطه و اقتناعهم فيها

العقيد اصف الي له من اول يسمع بتركيز و هو جالس مقابل اللواء نطق واخيراً : اجل انا بروح اول

حمزه : الي بيروحون لذي المهمه هم سلطان و يمان و زهير و غانم و جميل و باقي العساكر

عقد اصف حواجبه : و بس؟؟

حمزه و هو يأكدله : و بس .

رمش اصف بعدم استيعاب للي يصير : بس سيدي انا ابي اكون من ضمن ذي المهمه

حمزه : وانا حددت من الي بيروح لذي المهمه

اصف : وانا وش اسوي؟؟

حمزه سكر الملف الي قدامه و ما يطالع بالي قدامه : بتبقى هنا بالمركز ولا تبي نترك المركز فاضي؟؟

اصف : بس-

قاطعه يناظره بطرف عينه و هو يرتب الاوراق : انا بكون هنا بعد و ترا ما فيها اهانه لو جلست بالمركز

اصف : مو موضوع اهانه بس-

حمزه وقف يناظره و اشر له : نفذ الاوامر بدون نقاش .

طلع حمزه من المكتب بعد ما وقفوا له الكل احتراماً تاركهم لحالهم و هم يحاولون يتجاهلون الموقف بأنهم يسولفون بمواضيع عشوائيه اما اصف ف بعد مده بسيطه من الاستيعاب وقف و طلع من المكان بكبره بنرفزه متوجه لمكتبه