قفل من ابوه ايامه صايره ثقيله عليه صار يكره اتصالات اهله اللي صار يعرف محتواها ومن بكره صحى صالح على الظهر لبس وطلع للمطار بسرعه يستقبل اهله لانه تأخر عليهم اول ماوصل لقاهم ينتظرونه برا نزل يسلم عليهم واستقبله ابوه بالتهزيئ اللي كان معصب من الانتظار
خالد : هذا وحنا قايلين لك من بدري بغيت تسحب علينا
نورة : يارجال علامك اكلت الولد ترا حنا بعد موعد طيارتنا خايس وهو ينكرف بشغله اكيد بتروح عليه نومه
ضحك محمد اللي كان يحضن صالح : وعاد ولدك تعرفه لنام لو تجيب متفجرات ماقام
لف صالح اتجاه ابوه : العذر والسموحه يالغالي بس راحت علي نومه وبعد وانا نايم من حركتي الزايده طرحت الجوال تحت ولا سمعته
هز راسه خالد من اعذار ولده المتعارف عليها وعرف لو بيكمل هواش ماراح احد يفكه من لسان نوره اللي تخلق مية الف عذر لعيالها وبذات صالح لانه البعيد عنها وصلوا للبيت نزلهم صالح وقالهم ان عنده تمارين الحين ولا راح يرجع الا العشاء وهو يكذب مافيه تمارين الظهر بس عنده انه يروح ويجلس بنادي اليوم كله ولا يسمع سالفة خطبة محمد ولمى وصل لنادي ودخل العياده بدا فحوصات بدري لما يكتملون باقي الاعضاء
اما لمى اللي رجعت البيت بعد ثاني اختبار فاينل لها واللي اصلا ملامحها كانت توضح انها ماحلت فيه زين سلطانه : لمى تعالي ابيتس بموضوع فوق
لمى : يمه اجليه بعدين تكفين فيني نوم العصر تقولين لي
سلطانه : اقولتس ابيتس بموضوع مهم تقولين خليه العصر ؟ امشي بس اخلصي علي
تأففت لمى ولحقتها فوق : هلا يمه وش الموضوع المهم
سلطانه : تراي عارفه ان رنا علمتس بكل شي
لمى : قصدك موضوع الرجال المتقدم لي ؟
هزت راسها سلطانه
لمى : يمه مدري انتم عارفين وانا قايله لكم اني مأجله فكرة الزواج الحين ابي اخلص جامعه اول
سلطانه بشوية غضب : اللي يسمعتس يقول الزواج بكره اسمعي واعقلي الرجل ماينتفوت من عايله معروفه وابوه رجل اعمال معروف وهو اللي ماسك شغل ابوه كله ابوتس حاب الرجال مره ولا ألومه يبي لتس الرجال الزين اللي يصونتس ويحفظتس ويعيشتس عيشه زينه
لمى : خلاص هم خليهم يجون اول ونشوف أهله واشوفه وربي يكتب اللي فيه الخير
سلطانه : اي ذا الكلام الزين المهم هم جاين بكره المغرب ان شاء الله يشوفونتس جهزي نفستس ألبسي فستان ناعم وسسساتر ساتر يالمى
لمى : يمه اللي يسمعك يقول كل لبسي مفصخ وبعدين شفيهم مستعجلين جاين بكره هذولا اجل لو اوافق على ولدهم وش بيسون يحطون العرس بعد يومين؟
سلطانه : إلا ياقرادتهم وانا امتس قومي بس قومي نامي وقومي العصر مع خواتس واطلعي تجهزي
قامت لمى اللي ماتنكر انها تحمست تقابل محمد الرجال حلو ومن عايله معروفه كل بنت تتمناه طلعت لغرفتها وارسلت لخواتها انهم بيطلعون العصر تشتري لها فستان ناعم وساتر مثل ماتبي امها مر اليوم بشكل شبه عادي محمد اللي طلع مع امه لسوق علشان يشتري طقم ناعم ياخذه معه للمى وصالح اللي اهلك نفسه بتمارين مثل العاده اما لمى اللي طلعت مع خواتها رجعوا للبيت متكسرين رجع صالح للبيت الساعه ٨ اول مادخل شاف امه ومحمد وابوه جالسين سلم وجلس
نوره : وراك ياحبيبي كأنك تعبان بعدين من الظهر وانت تتمرن؟
صالح : اي والله مرهق وبعدين تعرفين يايمه ماعاد بقى شي على الديربي ف هالكنا المدرب
خالد : ماعليه تعبتوا كل الموسم تحمل اخر مباراه وان شاء الله تفوزون فيها وبعدها اجازه طويله محمد : اي صح وزواجي ترا بحطه ب الاجازه قبل المعسكرات علشانك
صالح اللي تنرفز وصار ماعاد يتحمل : خلاص ياخي لك يومين ماعلى لسانك الا زواجك هو خل البنت تقبل فيك اول يمكن ترفض بعدين تكلم
محمد انحرج شوي وسكت حزت بخاطره بنفس الوقت ان الكلام هذا يجيه من صالح اللي يعتبره اقرب له حتى من ابوه
خالد : شفيك انت كأنك ما انت فرحان لأخوك ؟
صالح استوعب : وش هالكلام يبه اكيد فرحان لاخوي بس انا مصدع شوي الحين وانتم تعرفوني اذا صدعت اطلع من طوري قام بسرعه لا يجيب العيد زود وطلع لغرفته بدل ودخل ياخذ له شور وهو يسب بنفسه تحت الدش ويتذكر فرحة اخوه اول مادخل وانه قاعد يجهز كل شي بالوقت اللي يناسبه هو حس انه كسر فرحة اخوه
صالح بنفسه : ياتتحمل وتحاول تنساها وتكابر علشان اخوك يا توقف الزواج من الحين وماتصير له ولا تصير لك !! طلع وهو مشوش ولا قادر ياخذ قرار ضبط منبه جواله وحطه وكالعاده غصب نفسه على النوم من بكره ماكان عند لمى اختبارات لانه كان يوم جمعه قامت على الظهر نزلت تحت قابلت امها اللي وصتها تخلص قبل المغرب لان محمد واهله بيجون المغرب طلعت لغرفتها وخواتها تجمعوا عندها يجهزونها صحى صالح على الظهر انسدح على السرير ويطالع السقف وش يسوي مامعه غير اقل من ٨ ساعات يحدد فيها قراره قام وطلع لاهله وهو قرر خلاص يوقف قدامهم ويقولهم ان محمد ماينفع ياخذ هالبنت ويوضح لهم السبب هو يعرف ان اهله بيزعلون منه وانه ممكن يخسر اخوه لكنه ماعاد يقدر يتحمل فكرة ان لمى تصير لمحمد لقى امه وابوه يتغدون جلس معهم يتغدا
صالح : الا محمد وينه ؟
نوره : بغرفته ليه؟
صالح : ابي اكلمكم بموضوع مهم وهو لازم يكون موجود
خالد : اجل روح ناده ومنها يتغدى ونعرف موضوعك قام صالح فتح الباب على اخوه اللي ماكان بالغرفه كان بالحمام يتروش اول شي لفت نظره ثوب اخوه اللي معلقه على معلاق المبخره الخشب وشماغه اللي كاويه ومرتبه على طاوله صغيره جنب المبخره وخاتمه وساعته وجزماته وهو اول مره يشوف محمد المهمل البارد متحمس كذا قرب لطاوله وشاف عليها بوكيه ورد احمر مغلف بقماش مخمل اسود وقدامه الطقم الناعم اللي شراه للمى قعد يناظر الطقم عوره قلبه كيف بيكسر فرحة اخوه وحماسه قرر يكسر قلبه ولا يخرب فرحة اخوه طلع محمد اللي ما انصدم من وجود صالح وكان عارف انه بيجي يعتذر منه لف ووقف قدام المرايه
صالح اللي تقدم ووقف جنبه : أشوفك متحمس اول مره بحياتي اشوفك مجهز اغراضك قبل المناسبه بمده
محمد : صعبه عليك تقول اسف؟
صالح : حمود اسمع انت تعرفني وزين انا عارف المفروض ماقلت كذا بس قسم بالله كنت مكروف ومصدع ماحسيت بنفسي وانت تعرفني اذا صدعت محمد : يالله اعتذارك مقبول
صالح : اقول والله طلعت ذويق" يأشر بعيونه على الطقم"
محمد : اي امس بوريك بس جيتنا منفس اختيار امي وحسيته بيناسبها ناعم مثلها
شعور الغيره انتشر بقلب صالح اللي بسرعه طلع قبل لا يخربها مع اخوه اكثر دخل غرفته بدل ولبس شورت ابيض وتيشرت اخضر مايل على الفسفوري وطلع لنادي بعد ماقال لاهله انه م يقدر يجي معهم بسبب التمارين اما لمى اللي بعد ماصلت العصر قامت تحط مكياجها بعد ماضبطت لها روان شعرها
المغرب وصلوا اهل محمد لبيت اهل لمى وأستقبلهم ابوها وامه استقبلتها سلطانه بالترحيب الحار دخلت رنا بسرعه لغرفة لمى وهي تستعجلها رنا : يالله الناس وصلوا انتم ماخلصتو
روان : خلصنا خلصنا لا توترينها زود باقي تتبخر وتنزل رنا : يالله فشله ينتظرون زود وامي بتهاوش
طلعت رنا ولفت روان : شفيك ساكت لمو
لمى : متوتره ماتوقعتني بتوتر كذا
روان : وش له التوتر تخيليهم ناس عاديه مسيرين علينا واذا قصدك على دخلتك عليه كلها دقايق وتطلعين وابوي معك قومي يالله
قامت لمى اللي كانت لابسه فستان سماوي ماسك ميدي ويدينه طويله وقصة الصدر كانت مربعه مع هيلز فضي وشعرها ستريت وفارقته من النص ومكياج ناعم كانت طلتها ناعمه تشبها نزلت تحت وقامت ام محمد منهبله عليها تحضنها وتسلم عليها وتذكر الله بعد دقايق ابو لمى نادها قامت له لمى وهي ترجف من التوتر دخلت اول مادخلت كان محمد قدامها اللي فكه شوي ويوصل الارض من الجمال اللي شافه وقف واستقبلها ومد لها البوكيه اخذته وهي مستحيه وجلسة بين ابوها ومحمد جلسة شوي ومحمد كان يحاول يبعد التوتر اللي بينهم ويسألها عن دراستها اللي عرف انه باقي لها ترم وتتخرج قامت وطلعت وقاموا الاهل يودعون بعض
بسياره نوره : يامك يامحمد هذي كيف طحت عليها جميله جميله عجزت تطيح كلمة ماشاءالله من لساني من اول ماشفتها
محمد وهو يسوق ومبتسم من يوم طلعوا : شفتي يايمه لك سنين تزنين فوق راسي اعرس واعرس يوم بغيت اعرس عرفت اختار اجمل بنت بدنيا
خالد بضحكه: بالدنيا عاد؟ لا ولدك رايح من الحين نوره : خله على راحته لا تناشبه فرحان ععسى ربي يتمم لهم
محمد : يمه متى قالوا بيردون لنا؟
نوره : بعد يومين
محمد:يوووه بعييد!!!
خالد : وش رايك يردون بكره؟؟ترا الوضع ماهو سهل بيسألون عنك وعننا ويستشيرون البنت ثم يردون رجعوا للبيت على رجعت صالح اللي دخل معهم وفيه فضول يعرف شصار
صالح : بشروا شصار معكم كيف الناس
نورة : الناس يفتحون النفس من يوم دخلنا بيتهم لين طلعنا وهم ماغير يرحبون ويهللون فينا الام وبناتها الكبار اما العروس ماشاءالله تبارك الرحمن عزالله ان ولدي صبر ونال
صالح قلبه يتقطع الف مره كان يتمنى انه يسمع هالكلام له وامه تتكلم له عن لمى وتوصفها
محمد : ادع ادع وانا اخوك انهم يوافقون انا يمكن لو يوافقون بكره حطيت الملكه والعرس الاسبوع الجاي صالح بضحكه : اهجد اهجد علامك مستعجل ان شاء الله ربي يكتب لك الخير ويوافقون وقام يتعشى معهم في بيت الموسى دخلت لمى غرفتها وهي ماتخفي ان محمد خطف قلبها بحنيته وجماله من يوم طلعت وهي تفكر فيه ماراح عن بالها فتحوا الباب رنا وروان ودخلوا وقفلوه بسرعه
رنا : هاه شرايك بالرجال؟
روان غمزة لرنا : يعني وش رايها اختك من طلعت من عنده وهي مثل المهبوله بس تتبوسم واضح عجبها جلسة لمى وتربعت : تبون الصدق عجبني وعجبني مره ثقيل وحنون وجميل
رنا : الله الله كل ذا فيه بالكم دقيقه اللي جلستيها معه؟
روان : والله وصار فيه من يجيبك على راسك يالمو لمى : اهجدوا ولا تحرجوني زود م انكر تغيرت نظرتي عنه وابوي يمدح قبل شوي وهذا اهم شي
رنا :يعني نقول موافقه؟
لمى اسكت روان صفقت بقوه : يقولون السكوت علامة الرضا
رنا: اجل بطير اقول لامي بس ماراح نرد عليهم الا بعد يومين علشان مايقولون بنتنا خفيفه مرة اليومين بسرعه ومحمد واهله وصلتهم موافقة لمى وحدد موعد الملكة بعد ٤ ايام يعني بعد نهاية الديربي بيومين والعرس بيكون بعد شهر محمد اللي اصر على التاريخ علشان صالح يقدر يحضر معه
صالح مرة الايام عليه وهو يحاول يتخطئ لمى قد ما يقدر ويقنع نفسه انها بتصير زوجة اخوه حرام يفكر فيها اما محمد ولمى قضوها تجهيزات للملكه والعرس سافر صالح لاهله بجدة لان الديربي بيكون بجده اول ماوصل شاف العمال طالعين داخلين من باب الشقه اللي فوق وعرف انها صارت بيت محمد ولمى دخل بسرعه لاهله وسلم عليهم لانه بيرجع لمعسكر النادي ماراح ينام عندهم جاء يوم المباراه كل اللاعبين في غرفة التبديل متوترين بدت المباراه والوضع كان موتر جداً كل النادين مسيطرين
