جهزت لمى ولبست فستانها اللي كان اسود مع قصة صدر مفتوحة يزينه الكرستال فضي كان مناسب لسمارها وشعرها ويفي على ورا لبست طقمها على دخلت صالح اللي يسكر كبك ثوبه
صالح : لمى ورفع نظره لها وقف مكانه وجمد وهو يناظرها
لمى انحرجت منه بس مابينت : وش بغيت
صالح صحى على نفسه وقرب لها وهو يبتسم على جنب : كنت ابيك تسكرين كبكي بس شكلي ماراح احتاجه يمكن افصخ الثوب
لمى صفقته على صدره : قليل ادب ووصخ وهات كبك اقفله وسحبت يده تقفل الكبك ضحك صالح وناظرها : شكلي بصبر لليل حرام اصير طماع والحريم م يشوفون هالزين
لمى : ومن قال لك برجع معك بروح مع اهلي لبيتهم
صالح : فيك خير سويها بقلب مجنون ترا
لمى : على اساس انت عاقل وخر بس تاخرت على الجوهره
تبخرت وبخرت صالح اللي قال : يالله انا بروح اركب ألبسي عبايتك وتعالي لمى : بس تعال خذ خالد معك
صالح : وليه ماتاخذينه انتي ؟ لمى وهي ترفع فستانها : شوف وش لابسه بطيح فيه قرب صالح وهو يتذمر اخذ خالد وطلع فيه ركب وحطه بحضنه واخذ صوره لهم مع بعض وغبش على وجهه خالد وكتب "مع الشيخ أبوصالح خالد " ونزلها
الصوره انتشرت وكل التساؤلات صالح من متى عنده ولد توه متزوج ركبت لمى وحركوا لبيت اهل الجوهره نزلت لمى وخذت خالد ودخلت دخل صالح لرجال ولقى متعب المتوتر قدامه وسلم عليه وهو يأشر له اهدى كل شي بيمر تمام متعب من قوة التوتر صار يضغط على ركبته
تكلم الشيخ اللي قام يسأل متعب عن موافقته وعن المهر واذا اهل العروس عندهم شروط ولا بعد ماخلص من متعب اللي بصم وهو بقمة سعادته قال لسعود ممكن تنادي الجوهره بسألها قام سعود ونادى الجوهره اللي وقفت ورا الباب الشيخ : يابنتي الجوهره موافقه على الزواج من الشاب متعب المفرج ؟ الجوهره بصوت متوتر : نعم
الشيخ بدون اكراه او اجبار من احد على المهر المتفق عليه ؟
الجوهره : نعم الشيخ : على بركة الله بصمي يابنتي متعب رجف قلبه وهو يشوف يدينها اللي ورا الباب وهي تبصم وده يقوم ويحضنها من كل قلبه بس صابر لما يدخل عليها
رجعت الجوهره للبنات ووقفت تحاول تتنفس زين جتها لمى وهي تضحك عليها وحضنتها: عادي عادي تنفسي لا تموتين علينا بينهبل الرجال للحين مادخلتي عليه دفتها الجوهره وهي تقول :انقلعي لولدك جايبتك تهديني وتوتريني زود
ضحكت لمى : اقول صالح يقول متعب بيدخل قومي ضبطي نفسك ورشي عطرك قبل يدخل وراحت وخلتها وقفت الجوهره قدام المرايه تضبط نفسها
دخل متعب مع ابوها وابوه وهي وقفت تقدم لها وعيونه م انشالت عنها يتأمل كل تفاصيلها وخجلها اول مره يشوف الجوهره الانثى الخجوله قدامه
قرب وباس راسها بعدها مسك يدينها وباسها بعمق رفع راسه وناظر بعيونها قطع عليهم امه اللي قدمت طقم الدبل مسك دبلتها ومسكت دبلته لبسها دبلتها والجوهره حاولت تلبسه دبلته لكن من رجفة يدينها ماقدرت قرب من اذنها : حبيبي الجوهره اهدي اهدي مافيه شي يوتر "مايعرف انه من قربه لها وترها زياده"
