طنش متعب الجوهره وتوعداتها وجلس يطقطق بجواله ويضحك دخلت الجوهره الغرفه وهي شوي وتنفجر من العصبيه سحبت جمبسوت اسود كت وقصة صدره مثلثه مع حزام اسود رفيع دخلت الحمام تبدل وطلعت وبوجهها متعب اللي كان جالس على طرف السرير رافع اكمامه يناظر لبسها من فوق لتحت تخصرت الجوهره : عسى ماهو عاجبك بعد استاذ متعب ؟؟
ناظرها متعب بضحكه : ياحبك لتكبير المواضيع ووقف يسحب فتحة الجمسوت ويعدها تعالي نمشي بس دفته من صدره: يالله بس وخر بعدل مكياجي اللي خربته متعب بضحكة نصر : احسن علشان تتوبين شمقت فيه الجوهره اما هو طلع يعدل ثوبه بينما هي تعدل مكياجها ويطلعون
عند لمى اللي بلشانه بخالد وتلبيسه كانت تلبسه شورت اصفر مع تيشرت ابيض عليهم كتابه بخط صغير على الجنب وجزمات سبورت بيضاء دخل صالح عليها وشاف حوستها وانها ماخلصت للحين بسبب خالد قرب : هاتيه دامك لبستيه وخلصتي بطلع فيه برا لما تخلصين
لمى : تسوي خير تعبت اخاف اروح ويطيح من السرير واخاف انزله ويحوس لبسه واغراضي صالح شال خالد بحذر ويده على ظهره من ورا وطلع فيه
قامت لمى وكملت ميكب وشعر ولبست بنطلون هاي ويست بني مع بلوزه ون شولدر بيضاء سوت شعرها ويفي ولمته على ورا وطلعت خصلتين من قدام خذت عباتها وشنطة خالد وطلعت
حصلت صالح اللي حاط خالد قدامه وهو يلبس ثوبه ضحكت على منظره: طيب ليه ماجبته لي ورحت تلبس صالح : اللي يسمعك يقول لابس طقم ترا ثوب مايسوى
كان ثوبه ضيق من عند الاكتاف مرت من جنبه لمى وشمقت : تموت اذا مالبست اضيق ثوب عندك صالح رفع حاجبه : يعني تغارين انسه لمى؟ لمى ناظرته وبتحدي : احرقك انت وغيرتي
ضحك صالح عليها وطلع يشيل عربية خالد بالسياره ولمى لبست نقابها وطلعت وراه شايله خالد
متعب كان بسياره ينتظر الجوهره اللي قالت ثواني اتاكد من لمبات وافياش البيت واجيك طلعت الجوهره ومتعب انصدم الجوهره متنقبه!!! ماقدر يستوعب متعب تنقبت ومن نفسها؟؟صح ماكان يعجبه حجاب الجوهره لكن قرر يخليها براحتها وهي تقرر بعدين لكن صبر متعب اجنا ثماره
ركبت الجوهره وابتسمت وناظرت فيه : ليه انصدمت مو هذي رغبتك؟ متعب تعجب : تنقبتي علشاني!! الجوهره: لا انا مو كذا بس اقدر تقول اقتنعت متعب بفرحه: الحمدلله الحمدلله ماتدرين وش كثر فرحان كانت رغبتي بس ماحبيت اضايقك قلت بخليك براحتك الجوهره ابتسمت على ردة فعله : خلاص يالله خل نمشي لا نتأخر حرك متعب ومشاعر الفرحه تطغى عليه
مروا الجوهره ولمى محلات حلويات وخذوا معهم شي للقهوه واتفقوا بينهم الجوهره تاخذ بوكس ايسكريمات ولمى بوكس عصيرات وقهوه مثلجه وصلوا للمزرعه ونزلوا نزل صالح يساعد لمى لانها ماتقدر تنزل خالد والاغراض مره وحده جاء سلطان ولد رنا يساعد خالته ويشيل معها الاكياس
