طلعت الجوهره من عند متعب وصلت عند البنات جلست على الارض بعدين تنهدت ورجعت
ظهرها على ورا وملامحها مكشره لمى: شفيك؟ الجوهره: مدري بس اسفل بطني يشد علي بقوه واحس لو اشم ريحة شي ب استفرغ
رنا اتركت اللي بيدها ولفت عليها : دورتك جاتك؟ الجوهره: لا المفروض تجي بس متاخره اسبوع
رنا : تاكلين حبوب مانع؟ لا تكذبين ترا سمعتكم
الجوهره: كنت اكلها ومن اسبوع وقفتها ساره لفت لرنا : اسبوع م يمديها تحمل!! رنا وهي تتذكر حطت يدها على فمها : اسفه جوجو الجوهره: شفيه ؟ رنا جات وجلست جنبها : مو انتي كلمتيني بداية الشهر وقلتي لي تبين اسم حبوبي حقت المعده لان معدتك توجعك؟ الجوهره: ايوه شفيه رنا وهي تناظر عيونها : نسيت اقولك اذا تاكلين مانع ترا هذي الحبوب تبطل حبوب المانع
الجوهره انصدمت وناظرت لمى بسرعه ورجعت ناظرتهم: يعني ممكن اكون حامل؟؟ ساره : الاعراض اللي تقولينها اعراض حمل والدوره متاخره بس سوي اختبار الحمل افضل رنا : اي انا معي واحد جديد كنت شاريته بس انتي اولا مني خذيه وقومي سويه
الجوهره: لا لا عطينيه اسويه بالبيت رنا : وش خسرانه يابنت
لمى: رنو خليها براحتها ترا يوتر اذا عرفتي انك حامل وانتي عند الناس رنا وهي تشمق فيهم : ياحبكم لتكبير المواضيع بكيفك هذا هو بشنطتي
لمى ارسلت للجوهره بالواتس : ماتدرين يمكن ربي كاتب لكم تحملين بدون لا يعرف متعب الجوهره: خايفه ومتوتره اطلع حامل
لمى : قومي نسوي التحليل ونتأكد اذا تبين الجوهره: بقوم اسويه وانتي خليك برسل لك اول ماتطلع النتيجه لمى : تمام قامت الجوهره وخذت الاختبار ودخلت لمى ولدها بيدها تهزه وعيونها على جوالها فجاه جتها رساله وكانت من الجوهره فيه صوره وكاتبه
تحت" حااامممممل!!!!!!!" فتحت لمى الصوره وكانت النتيجة خطين قفلت ونزلت ولدها وطلعت بسرعه للحمام حصلت الجوهره واقفه قدام المغسله ومصدومه حضنتها بسرعه وصرخت" ايييوه ايييوه مبببروك ياحبيبي" الجوهره لمت لمى وبكت زود
وخرت عنها لمى بعد مده : وش بتسوين الحين بتقولين له ولا؟ الجوهره : لا بسوي تحليل دم واتاكد اول ثم بعدين افكر كيف بقوله لمى استانست كثير لصديقتها ورجعوا ولا كأنه شي صار انتهى اليوم المتعب للكل من بكره الجوهره عرفت ان متعب عنده تمرين صباحي ف حجزت موعد تحليل
طلع متعب بعد م افطر وبعده الجوهره طلعت للمستشفى اما لمى كانت جالسه تفطر هي وصالح لمى: صالح بكلمك بموضوع ضروري
صالح انتبه لنبرتها الجديه : وش صاير ؟ لمى بلعت ريقها ونزلت خبزتها وناظرته: اوعدني اول شي تتفهم وضعي وماتعصب
صالح بجديه : لمى تكلمي لمى: شوف انت تعرف ان ودي اكمل دراستي صح؟ صالح هز راسه لمى وهي تحاول تتماسك : وان يادوبك بعرف اوافق بين حياتي مع خالد ودراستي وهذا صعب خصوصاً ان ماعندي احد يساعدني فيه صالح: لمى اختصري لمى: انا الفتره اللي راحت كنت اكل حبوب مانع علشان كذا صالح سكت مصدوم ويحاول يستوعب وده يقولها ليه!! لمى بسرعه : لا تفهمني غلط تكفى مو قصة اني م ابي عيال منك لا والله بس صعبه علي اهتم بخالد اللي ماكمل سنه واهتم بدراستي وبحياتي معك مره وحده
