اعتذر تأخرت بالبارت كثير لكن انشغلت بدوام اعذروني هالمره🥹
—
نادت الخادمه وقالت لها تروح تصحيه فوق قالت لها انه اصلاً مارجع البيت خافت لمى وكثير مو عادت محمد يتأخر كذا صارت تهوجس وهي تنتظره فجأه سمعت عمها دخل ويتكلم وفجاه ملا البيت صراخ نوره اللي كانت تردد اسم ولدها محمد ب اعلى صوتها حست انها تحلم مستحيل اللي تفكر فيه الا لما سمعت عمها يقول يامره تعوذي من الشيطان راح
للي ارحم مني ومنك الكلام نزل عليها مثل الصاعقه ارفعت ولدها ولمته لصدرها قامت تصيح وتحضنه اكثر وشهقاتها كل شوي ترتفع دخلت عليها امها اللي دموعها مثل الشلال تركض تسحب خالد من حضن لمى اللي شوي وتقتله من كثر ماتلمه لصدرها اخذته واعطته ساره اخت محمد اللي ماتدري تسند امها ولا نفسها ولا لمى اللي فقدت زوجها بعد ولادتها ب ولدها بيوم سلطانه لمت بنتها على صدرها اللي على طول تمسكت ب امها وصاحت ب اعلى صوتها ب اسمه وكأنها تتمنى انه حلم انتشر الخبر ووصل
للنمسا وهناك طاقم الهلال بلغوا صالح بالخبر اللي كانت ردت فعله انه جلس مكانه بدون اي دموع ويناظر قدامه تحامل على نفسه اخذ جواله وجوازه بس وطلع لجده بعد ماحجزوا له النادي ورجع معه فهد المفرج يأدي واجب العزاء وغير اللاعبين اللي عزوه قبل يمشي وصل لجده وهو يحس رجوله ثقال ماهو قادر يمشي وصل للمستشفى اصر يدخل ويودع اخوه يودع ولده يودع الشخص اللي كان سنده رغم صغر سنه حس انه كبر ١٠ سنين بهذي اللحظه دخل ورفع الغطاء عنه نزل وحط وجهه بين كتفه ورقبته شهق هذيك الشهقه القويه وده يقوله ليه رحت بدري ليه تركتني بس اكتفى بالبكاء يطلع كل اللي بقلبه مرت ايام العزاء بشكل ثقيل على صالح اللي ماتركه ناصر ابد وكان معه يحاول يهون عليه رغم ان جرحه هو اقوى لمى انتكست حالتها لدرجة ماعاد تقدر ترضع ولدها طبيعي حاولوا امها وعمتها فيها لكن ماكانت تستجيب لهم في المجلس اخر يوم للعزاء طلعوا الناس وبقى صالح وابوه وناصر
خالد : متى بترجع للمعسكر
صالح : معطيني مهله لنهاية الاسبوع وبعدها لازم ارجع
خالد : زين اسمعني ياصالح
صالح حس بنبرة الجديه بكلام ابوه وتعدل
خالد : اخوك الله يرحمه ويغفر له توفى تارك مرته وولده والولد هذا ولدنا المره اذا خلصت عدتها اكيد بترجع لاهلها وانا م ابي الولد يتربى بعيد عنا صالح بدا يخاف وكأنه بدا يعرف ابوه وش يبي منه
خالد : علشان كذا ابيك اذا رجعت من المعسكر بتكون مرت اخوك خلصت عدتها ونبي نخطبها من ابوها وتتزوجها ومنها البنت ترجع عندنا وتصير مرتك وولدنا يرجع يتربى عندنا وعندك انت عمه بحسبة ابوه م انت مقصر عليه بشي
صالح صعق وقام : يبه انت وش تقول اتزوج مرت اخوي المتوفي مرتتت محمممممد!!!!!!
م اقدر يبه هذي كانت زوجة اخوي كيف اتزوجها كيف !!!!
خالد بغضب : كانتتتت قلتها بلسانك واخوك الحين ميت مدفون تحت الارض وهي ارملته حنا نبي نحفظ ولدنا هي اذا رجعت لاهلها اكيد بتزوج ماهي جالسه طول عمرها بدون رجال
صالح : لا يايبه لا م اقدر اسسسمح لي
خالد : دايم وانت عاصيني وانا امشي لك لكن هالمره مالك قرار روح لناديك وحط براسك بنخطبها اول ماترجع غصبً عنك ولا ما انت ولدي وطلع
صالح جلس وحط يدينه على راسه ماينكر انه كان يبيها ويحبها للحين بس لا لا ماياخذها بعد اخوه م يقدر يعيش معها وهو عارف انها كانت زوجة اخوه
ناصر : ليه ترادده ليه ياصالح ابوك اللي فيه مكفيه صالح : انت سامع وش يقول بيزوجني ارملت اخوي؟؟؟
ناصر : انت من قالك ان لمى بتوافق اصلاً كان سكت واذا رجعت من المعسكر لمى بنفسها بترفض
تنهد صالح وماعرف يفكر م ينكر انه يبيها بس مو بهذي الطريقه
