اسفه تاخرت بالبارت بس التفاعل على اخر بارت حطم حماسي بس نزلته لعيون اللي اطلبوا اكمل🥹♥️♥️.
-
الجوهره: انا ماعلمتك عن سالفتي علشان تعلمين زوجك ويروح خويهه يخطبي شفقه!!
لمى وهي تدور حول نفسها : من صديقه وش السالفه مافهمت
الجوهره: متعب متعب يالمى راح لاهلي برياض يخطبني منهم بعد ماعلمتي زوجك وعلمه جاي يشفق عليه ولد المفرج
لمى : اهدي اولاً وقبل كل شي لو متعب م يبيك وصادق بخطبته لك ليه يسحب على علاجه و كل شي علشان يرجع ويخطبك من اول ماسمع خبر خطبتك؟ الجوهره: كان يبي يلعب علي يحسبني لعبه بيده ويوم انتي وزوجك المصونين علمتوه قال اروح واخطبها واتزوجها شفقه لكن حلم إبليس بالجنه اوافق عليه وقفلت بوجهه لمى
لمى جلست ونزلت راسها تتوعد بصالح " هين لأقص لسانك يانقال العلوم" جاء صالح وفتح الباب اول شي شافه بوجهه لمى المتكتفه وتناظر فيه نظرات تحرقه
صالح : خير اللهم اجعله خير
لمى : من وين يجي الخير وانا متزوجه نقال علوم؟؟؟
صالح : وش علومه اللي نقلتها
لمى : تستغبي ليه تقول لمتعب سالفة الجوهره هاه؟ الجوهره دقت عليه تهاوشني خويك المجنون راح لرياض خطبها
صالح : وطيب؟خويي يحبها وجاء من الباب
لمى : الباب اللي يطيح فوق راسك انت وخويك البنت اقولك زعلانه علي مره
صالح سحب لمى من يدها وجلس وجلسها معه : وخويتك مجنونه ماتفكر وقال للمى كل سالفة متعب
لمى : يعني هو يحبها صدق؟ صالح : عرفت ليش انتي وياها صديقات ؟ نفس الغباء اقولك الرجال ماتحمل عطيته خبر انها بتنخطب اخر الليل طار لاهلها الفجر
لمى : طيب وش اسوي معها انا الحين
صالح وهو يرجع ظهره على الكنب : خليها هو بيتصرف معها وهي بتفهم بنفسها لمى تنهدت بقوه
وصالح ناظر فيها وضحك على جنب : اه يالجوهره وش سويتي علميني اسوي مثلك ناظرته
لمى وحبست ضحكتها : اقول دق على خويك وقوله تراها حالفه ماتوافق عليه يتلاحق نفسه وقامت وخلته
صالح ارسل لمتعب وقاله كل شي وختم رسالته ب الله يعينك ياصديقي انا وياك مكتوب لنا الشقاء مع هالثنتين
اما الجوهره اللي وصلها خبر خطبت متعب لها وانهارت وعرفت ان ماوصله الخبر الا من لمى وصالح سحبت على محاضراتها اليوم وهي ودها لو متعب قدامها وتسطره كف من قهرها ليه ليه يخطبها الحين اكيد شفق عليها مو حبً فيها نزلت دموعها ومسحتها
منقرفه منه ومن نفسها
جاها اتصال رفعت جوالها وشافته رقم غريب قفلته ماردت رجع الرقم يدق اكثر من مره تنرفزت الجوهره وسحبت جوالها وردت : نعم متعب : لا لا معصبه بعد شكلي باكلها
الجوهره عرفته من صوته وتوترت بس مابينت : ولك وجهه تتصل علي بعد!!!! متعب بجديه : الجوهره اسمعيني
الجوهره: ولا كلمه م ابي اسمع منك ولا شي تفهم واعلمك من الحين ماني موافقه عليك
متعب بعصبيه : اسمعيني للاخير يابنت الناس اقسم باللي نفث الروح بجسمي أني باغيك يابنت الحلال ولا فكرت باللي انتي تفكرين انا كنت ناوي اخطبك اول م اخلص علاجي وتتخرجين ونرجع لسعوديه الجوهره ماعمري بحياتي ذليت نفسي لاحد لكن اقسم بالله اني ابيك واتصلت عليك الحين ابرر لك وش ردك؟ قفلت الجوهره بوجهه بدون رد
