انتهت المباراه بفوز الهلال كانت مشاعر الجوهرة ولمى مختلفه أرسل متعب للجوهره انه يبي يشوفها قبل التتويج بالغرفه اللي كانوا فيها قبل شوي وكان اتفاق بينه وبين صالح كل واحد بيقابل زوجته علشان كذا متعب طلع هو والجوهره للغرفه الثانيه وصالح طلع للمى بغرفة vip دخل صالح واول مادخل حضن لمى بسرعه وحاوط خصرها بيدينه اما لمى حاوطت رقبته وشدت عليه صالح : فزنا يالمى فزنا
لمى : مبروك ياحبيبي فخوره فيك وكنت متأكده انكم بتتأهلون
صالح مارد واكتفى انه يشد على حضنها بس بعدين بعد عنها وناظرها :خالد وين؟
لمى : عند رنا خفت اجيبه بالزحمه
صالح ابتسم وغمز لها : الافضل تخلينه اجل اليوم كله
لمى شهقت : تحلمممم!! حلم إبليس بالجنه تعرفه ولدي معي تحمل واصلاً ماراح يصير اللي ببالك صالح : افا يعني مافيه مكافأه على الفوز؟
لمى : نو نو قالوا لك رئيسة النادي صالح : طيب طيب يارئيسة النادي روحي للبيت وانا بخلص التتويج واجي لمى : كمل احتفل مع الشباب لكن لا تتأخر بنتظرك صالح ابتسم للمى اللي قالت كلامها وتعدته طالعه
اما عند الجوهره ومتعب متعب طول ماجاء والجوهره من التوتر صارت تفرك يدينها ببعض انفتح الباب وفزت كان متعب اللي دخل بسرعه وقفل الباب وراه واول ماشافها تنهد وابتسم بقوه مشى لها واول ماوصل لها رمى نفسه عليها وطلعت منه تنهيده ثقيله مع ضحكه توصف شعوره الحين ضحكت الجوهره عليه : تنفس تنفس حبيبي بعد عنها متعب وقرب وجهه لوجهها لصق انفه ب انفها وعيونه بعيونها : اه ماني مصدق اللي صار احس حلم قدرت اصدها قدرت
الجوهره : فخوره فيك حبيبي كثير كنت متوتره مره قلبي للحين تقدر تسمع صوته من لما صديتها
متعب ابتسم وهو يشوف كل هالحب بعيون الجوهره له رجعها بحضنه
قطع عليهم جوال الجوهره رفعته وكان لمى بعدت عن متعب وردت الجوهره: هلا لمى لمى : وينك ماخلصتي انتي والسي سيد حقك ناوين تنامون هنا
الجوهره تأففت : وش تبين الحين
لمى : انا بمشي بترجعين معي ولا بترجعين مع متعب ؟ الجوهره ناظرت متعب اللي قال لها " انا برجعك" ولفت : لا لمو انتظريني جايتك متعب وسع عيونه
لمى : تمام لا تتأخرين انا عند المواقف وقفلت
الجوهره ناظرت متعب : نعم ليه تناظر فيني كذا متعب : انا وش قلت مو قلت برجعك معي؟؟ليه تقولين لها تنتظرك
الجوهره : ومن قالك ياحبيبي اني بطلع معك هالايام زواجنا باقي عليه ٣ ايام الوضع لعبه لا حبيبي بخليك تشتاق لي وتراي كاسره قواعد القبيله وجايتك ولا المفروض من اسبوع ماتشوفني
متعب بصدمه : اسسبوع ياالظالمه ليه!!
الجوهره : عادات وتقاليد ف احمد ربك راحمتك انا ويالله باي حبيبي
طلعت وخلت متعب اللي يضحك على حركاتها وكلامها طلع وقابله
صالح بالممر : مابغيت تطلع يابوعبدالله لو يدري عنك سعود انت وياها حول عرسكم لعزاكم متعب : ماهو بداري اذا صكيت فمك انت وزوجتك
صالح مسكه مع كتفه بقوه ومزح : اقول تغلط علي اسكت لك لكن تغلط على المدام افرك خشتك بالارض
متعب لف عليه ومسكه مع كتفه بيضربه لكن استوعبوا على صرخة ياسر اللي قال : انت وياه اخلصوا علينا تعالوا التتويج بيبدا
