صحى صالح وشيك على جواله لقى رساله من محمد محمد : صلوح ترا راح نوصل لرياض الساعة ٤
صالح : الساعة ٤ عندي تمرين م اقدر استقبلكم تعالوا للبيت بكون حاط لكم المفتاح بدريشة غرفة السواق القديمه وقفل وقام يصلي الظهر بما انه وقت الصلاه الحين طلع من الغرفة للمطبخ وهو لابس شورت رمادي وتيشرت كت اسود وشعره مبعثر دخل المطبخ وسوا له قهوة اخذها وتوجهه للكنب اخذ لابتوبه وقعد يشيك على اوقات كلاساته الجايه
في بيت الموسى تحديداً غرفة لمى فتحت روان الباب وهي على بالها انها لسى نايمه دخلت ولقتها تو مخلصه صلاه وجالسه على سجادتها
روان : اوه احسبك للحين نايمه غريبه قايمه
لمى : قمت اصلي ليه فيه شي ؟
روان : اي جايه اكلمك بخصوص موضوع زواجي
لمى : اي شصار للحين عبدالعزيز يبي يقدمه ؟
روان : اي وعرف انه مو عاجبني بسبب دراستي قال لي ان اصلاً الترم قرب يخلص في جامعته ونهاية الترم بتصادف اجازة مابين الترمين عندنا واجازته بتكون شهرين بيجي وبنسوي العرس وبيجلس بسعوديه عندي لما يبدا الترم الجديد وبعدها بيرجع وانا بصير اجيه ب الاجازات لما اخلص وخصوصا اني بتخرج خلاص ذا اخر ترم لي ف بيصبر
لمى : انتي متاكده انه بيصبر وبيرجع لحاله ؟ يعني اخاف بعدين يضغط عليك ويرجع يفتح الموضوع وانتي بنص الترم وتصير مشاكل بينكم
روان : فكرت علشان كذا من البداية قلت له ياتصبر وتاجل موضوع الزواج لما اتخرج ولا اذا تزوجنا الحين ترا ماراح اسافر معك واعيش هناك بجلس عند اهلي لين اخلص الترم واتخرج
لمى : خلاص اذا تحسين انه صادق ومرتاحه معه وافقي ترا عبدالعزيز يحبك وصبر كل هالفتره علشانك ٣ سنين تتوقعين كانت سهله عليه ؟ طبعاً لا بس احترم رغبتك يوم قلتي تبين فترة الملكة تطول تتعرفون على بعض اكثر
روان : ادري بس هو صدمني وفجاه قرر يقدم وانا ماني حاطه ببالي ولا جهزت شي ابد
لمى : اذا على التجهيز عادي معك وقت وكذا ولا كذا انا ورنا معك نقسم كل شي
تنهدت روان وقامت : ودي عبدالعزيز يرجع لسعودية بسرعه ويفاتح ابوي بالموضوع وقتها انا بعرف اقرر احسن من حالة التشويش اللي انا عايشتها الحين المهم انزلي امي تقول بتحط الغداء بدري اليوم لانها الساعه ٣ بتروح لبيت جدتي بيجيهم ضيوف
لمى : زين انزلي وبلحقك
على الغداء
سلطانة : أقول محمد انا بروح لبيت امي بدري اليوم ترا قبل صلاة العصر
محمد : ليه عسى ماشر عمتي فيها شي؟
سلطانة : لا بس عيال خوالي اللي بالقصيم بيجونها اليوم مسيرين عليها
محمد : اجل على خير زين انك قلتي لي علشان امر واسلم عليهم المغرب
سلطانة : وانتن اكشخن تروحين معي وتقابلن الناس وتسلمن الناس ناسيه ان عندي بنات بس كل وحده منحشره بغرفتها ولا تطلع ولا تقابل احد
لمى : يمه اللي يسمعك يقول فينا توحد ونخاف نطلع ونقابل احد لا ترا قبل شهر بعيد الاضحى مقابلينهم وجالسين معهم
روان : اي يمه وبعدين اليوم مانقدر معزومات سلطانة : ماشاءالله يابنات محمد معزومات عند من وانا ليه اخر من يدري ؟
لمى : لا لا يمه مانقصد والله بس حنا على بالنا ان رنا علمتك
سلطانة : شدخل رنا ليكون هي معكم ولا علمتني بعد توني مقفله منها اوريها صارت تدس العلم معتسن ضحكت روان : يمه الله يخليك لنا هدي هدي واضح تدورين هواش اليوم افتتاح مطعم نايف المشترك ونايف عزم رنا وعزمنا معها على الافتتاح
محمد : اي صح حتى انا مرسل لي الدعوه والموقع زين ذكرتوني اعتذر منه لاني اليوم مشغول مره و معزوم العشاء ب استراحة بوسيف
سلطانة : اي دامه كذا انا موافقه بوسلطان يستاهل من يلبي دعوته ويستاهل كل خير عسى ربي يوفقه ويفتح ابواب الرزق بوجهه
كملوا غداهم ومن بعدها سلطانة طلعت لبيت امها وبناتها التؤام كل وحده طلعت لغرفتها لمى بدت تذاكر لاختبارها يوم الاحد وروان تبي تنام للعصر
عند صالح بعد ماشيك على موعد كلاساته اليوم وصل غداه من شركة الغذاء الصحي اللي متعاون معها يومياً توصل له غداه علشان يحافظ على جسمه شغل له فيلم قصير يسليه لما يكمل غداه بعد ماخلص قام ونظف الصاله وحط المواعين بالمطبخ مع مواعين امس لما يروق ويغسلهم كلهم مع بعض
دخل ياخذ له شور ويجهز علشان يروح النادي طلع ومنشفته على اكتافه وماسك طرف المنشفه ينشف شعره جلس على السرير واخذ جواله شاف رساله من كنو بالقروب
كنو : شباب لا تنسون افتتاح نايف اليوم ترا الرجال مرسل يذكرني
وفجاه ارسل لصالح خاص
كنو : ترا حرص علي على جيت اخوك محمد وناصر صالح : تمام يصير خير ان شاء الله وقفل قام لبس شورت اسود وحباله بيضاء مع تيشرت عادي ابيض وجزمات بيضاء
طلع لنادي واول ماوصل راح للعيادة لان عنده فحص قبل التمارين دخل لقى بعض الشباب موجودين صالح : السلام عليكم
الشباب : وعليكم السلام ياهلا
الحمدان : جاي بدري اليوم اسمع قبل شوي
فهد المفرج جاء يدورك وقال لنا نقولك تمره ضروري سعود : شكله بيكلمك بموضوع الانتقال
صالح : اجل شكلهم ردوا على موضوع الاعاره ويبيني علشان كذا
الحمدان : الاعاره ؟ ليه مو كان انتقال حر
صالح : كان كذا بالبداية بس اجتمعت مع اعضاء الاداره والمدرب وقال لي المدرب ان انا م اقدر اتخلى عنك بشكل كامل بحتاجك مرات واقترحت ان انتقالك يكون اعاره بس لمدة سنه انت موافق ؟ قلت له اي اكيد انا ابي الهلال للحين
سعود : اجل اكيد وصلهم رد روح لهم بعد ماتخلص والله يوفقك ياحبيب اخوه
قبل صلاة المغرب رجع صالح للبيت واول مافتح الباب استقبله محمد بصراخه اللي كان جالس بصاله ولابس شورت ابيض وقميص اسود ركض محمد وحضن رقبة صالح بيدينه الثنتين وضمه عليه وهو يضحك وصالح حاوط خصر محمد وضمه عليه وهو يتحمد له بسلامه
صالح : والله تو مانورت الرييياض الحمدلله على السلامه
محمد : يييوه يالشوق لك يالحمار كذا شهرين م اشوفك
صالح : مادريت انك بتشتاق لي كذا ولا كان طولت الغيبه اكثر ضربه محمد على كتفه وصالح ضحك بقوه وفجاه خرشتهم الصرخه اللي جت من وراهم وكان سببها ناصر
ناصر : بوووووصلوووووووح
صالح ب انزعاج : فجرت اذني كل الرياض سمعت اسمي
تقدم ناصر وحضنه : من زين اسمك يالحمار ماتستاهل اللي يشتاق لك
صالح حضنه بقوه : الحمدلله على السلامه والله يااني مشتاق لكم بقوه احس ردت روحي الحين
محمد : اقول قوم روح تروش على ما اطلب لنا قهوة وتجي تروق وتعطينا اخر اخبارك
صالح : اخباري اعطيكم اياها باليل والحين لا تطلب قهوه لاننا معزومين
ناصر : معزومين حنا ؟ وين ؟
محمد : اترك مفاجأتك وخل عزيمتك بكره انا ابد مالي خلق اطلع
صالح : ومن قال لك اني مسوي لكم مفاجاة ؟ صح مشتاق لكم بس تخسون بس فيه واحد من اخويا كنو اعرفه عازمنا اليوم على افتتاح مطعمه
ناصر : وشدخلنا حنا دامه يعرفك روح لحالك
صالح : بس هو عازمكم انتم بعد امس يوم عزمني تعذرت بجيتكم لكن مالي مفر قال لي انكم معزومين بعد ف اجهزوا على م اقوم انا اتروش وألبس ونطلع محمد وهو يتربع على الكنب وبيده كوب قهوته : ابشر بس خلني اخلص قهوتي واصحصح واقوم طلع
صالح لغرفته تروش وطلع له طقم اسود كامل من اوف وايت رجع شعره ورا ونزل مع الدرج لقى ناصر جالس يطقطق بجواله صالح : وين محمد ؟
ناصر : راح فوق يبدل تعرف اخوك سنه على مايجهز نزل محمد من فوق وهو لابس بنطلون جينز وتيشرت سماوي طلعوا للمطعم
عند لمى وخواتها وصلوا للمكان وكان زحمه
لمى : يوه ياكثر الناس
روان : ليتنا تأخرنا شوي يمكن الزحمه تكون خفت تمسكت لمى بيد روان لان لمى عندها فوبيا غريبه وهي الفوبيا من الاماكن المزدحمه
روان ناظرت فيها : اذا تضايقتي من المكان قولي لي ونطلع دخلوا وسلطان راح لابوه ركض التفت نايف وانتبه لرنا وخواتها وقرب منهم وكل ذا تحت انظار صالح اللي انتبه للمى وعرفها لفته انها هالمره كأنه ماهي مرتاحه ساكته ولا تكلمت
نايف : فرحتني جيتكم للافتتاح ياروان ولمى
روان : الف مبروك الافتتاح يابوسلطان الله يجعلها فاتحت خير عليك
لمى ساكته ولا تكلمت
نايف : لمى اذا مضايقك الجو داخل والزحمه احجز لكم طاوله برا رغم اني حاجز لكم طاوله بعيده عن الزحمه
لمى انحرجت شوي حست ان موقفها غلط وكلها ساعتين بالكثير وتطلع
لمى : لا مايحتاج عادي
راحو و اجلسوا على طاولتهم وطلبوا وكان سلطان بين ابوه وامه وخالاته مرات يروح لا ابوه ومرات لهم قرب محمد لصالح : شفيك أكلت البنات اللي دخلوا بعيونك
صالح انتبه وتعدل : اي بنات ؟
محمد : الثلاث اللي جلسوا تو
صالح : م انتبهت لهم اصلاً كنت افكر بموضوع
محمد وهو يميل راسه على جنب : ما انت بعاجبني فيك شي بس بعرفه بعدين
كملوا سواليف مع الشباب
لمى ماقدرت تتحمل الزحمه اكثر قربت من رنا
لمى : ماني قادره اتحمل الزحمه زود برجع بسيارتي خلي روان ترجع معك
رنا : تمام بس خذي سلطان معك لازم يرجع يذاكر لمى : طيب ناديه بطلع يالله
طلعوا سلطان ولمى
شافت لمى ان فيه سياره مسكره على سيارتها تنرفزت لانه تكره هالحركه وكان محمد جالس بالكرسي اللي جنب القزاز وشاف البنت اللي واقفه عند سيارتها وكأنها متضايقه بسبب شي لف بتجاه صالح وقرب منه محمد : بوصلوح
صالح : هاه؟
محمد : انت مقفل بسيارتك على سيارة وحده واقفه برا تنتظرك
صالح : لف وناظر مع القزاز شافها وعرف انها لمى من سلطان مايبي يقابلها بذات الحين لانه كل ماشافها يحس بتلخبط مشاعر بتجاهها طلع مفتاحه وعطاه محمد
صالح : روح طلع السياره بالله حمود مالي خلق اقوم اخذ محمد المفتاح وطلع وقف قدام لمى اللي لفت عليه وهي متنرفزه مره
محمد : اسف هذي سيارتي بطلعها الحين سكتت لمى ومحمد عرف سلطان وتوقعها امه طلع سيارته ولمى ركبت وطلعت للبيت انتهى اليوم والافتتاح ورجع كل واحد لبيته
