{ Unicode }
အချစ်တစ်ခုတည်းနဲ့အရာအားလုံးကိုကျော်ဖြတ်နိုင်တယ်လို့ပြောကြတယ် ။ တကယ်ကျော်ဖြတ်နိုင်ကြတဲ့သူတွေရှိသလို ကျရှုံးသွားကြတဲ့သူတွေလည်းရှိလေတယ် ။ အထူးသဖြင့် အရေးကြီးဆုံးကတော့ တစ်ယောက်နဲ့တစ်ယောက်ကြားက ယုံကြည်မှုတွေ ဆုံးရှုံးသွားရတဲ့ အချိန်မှာပေါ့...။
×××××××
" ဆော့ဂျင် စကားပြောစရာရှိတယ် လာထိုင်ဦး...."
အဖေ့ခေါ်သံကြောင့် ဆော့ဂျင် အဖေ့ဘေးနားက ခုံမှာဝင်ထိုင်လိုက်သည် ။
" ဟုတ်ကဲ့ အဖေပြောပါ...."
" မင်းနဲ့ ယွန်းဂီဆိုတဲ့ကောင်လေးက ဘာတွေလဲ..."
" ဘာဖြစ်လို့လဲ အဖေ သားတို့က သူငယ်ချင်းတွေပါ...."
အဖေ့ရဲ့မေးခွန်းကြောင့် ဆော့ဂျင် တုန်လှုပ်သွားမိပေမယ့် စိတ်ကိုတည်ငြိမ်အောင်ထားပြီး ပြန်ဖြေလိုက်သည် ။
" မင်းတို့နှစ်ယောက်အကြောင်းရပ်ကွက်ထဲကလူတွေပြောနေကြတာ အမြဲတပူးပူးတတွဲတွဲနဲ့ ရည်းစားတွေလားတောင်ထင်ရတယ်တဲ့...."
" မဟုတ်တာ အဖေရယ် ပေါက်ကရတွေပါ...."
" အေး မင်းစကားနဲ့မင်းနော်.... ဘာမှပေါက်ကရတွေ မဟုတ်တာတွေလုပ်ဖို့မစဉ်းစားနဲ့.... ငါဘာမှထပ်မကြားချင်ဘူး...."
" ဟုတ်ကဲ့ပါ အဖေ..."
"ရပြီ သွားတော့...."
အဖေ့အနားကနေထွက်လာပြီး အခန်းထဲရောက်တော့ ဆော့ဂျင် အခန်းတံခါးကိုမှီကာ ထိုင်ချလိုက်ပြီး သက်ပြင်းချလိုက်မိသည် ။ တစ်နေ့နေ့တော့ သူနဲ့ယွန်းဂီအကြောင်းကို လူကြီးတွေသိလာမယ်ဆိုတာ ကြိုတွေးထားမိပေမယ့် အခုတော့ ဆော့ဂျင် ရင်တွေပူလာရသည် ။
သံသယလောက်နဲ့တောင် အဖေက ဒီလောက် စိတ်ဆိုးနေရင် သူတို့အကြောင်းတကယ်သိသွားတဲ့နေ့ကျရင်ရော အဖေ ဘယ်လောက်တောင် ဒေါသထွက်မလဲ ။ ယွန်းဂီနဲ့သူ့ကို ခွဲပစ်မယ်ဆို ဗေဒင်မေးစရာမလိုအောင် သေချာနေလေသည် ။
လူကြီးတွေ ခွဲကြရင် သူ ယွန်းဂီကို တကယ်ပဲ စွန့်လွှတ်လိုက်ရမှာလား ။ တွေးကြည့်ရုံနဲ့တင် ဆော့ဂျင် ရင်တစ်ခုလုံး မွန်းကြပ်မောဟိုက်လာရလေသည် ။
YOU ARE READING
Mysterious Love Circle ( Completed )
Fanfictionကံကြမ္မာဆိုတာ သိပ်ကိုဆန်းကြယ်လွန်းလှတယ် တစ်ချိန်ကကိုယ်အချစ်ရဆုံးသူဟာ အမုန်းရဆုံးသူအဖြစ်ပြောင်းလဲသွားခဲ့သလို ဖြစ်ပြီးသား အတိတ်ဆိုးတွေဟာလည်း ပစ္စုပ္ပန်မှာတစ်ဖန်ပြန်လည် အသက်ဝင်လာတတ်လေသည်။ ကံၾကမၼာဆိုတာ သိပ္ကိုဆန္းၾကယ္လြန္းလွတယ္ တစ္ခ်ိန္ကကိုယ္အခ်စ္ရဆံုးသ...
