( Unicode )
" မောင် တကယ်ပြောနေတာလား...."
ဂျီမင် မောင်ပြောသမျှကို မယုံကြည်နိုင်စွာနဲ့ ပြန်မေးလိုက်မိလေတယ် ။
" တကယ်ပြောတာပေါ့ အချစ်ရယ်.... မောင်တို့ ခရီးသွားနေတုန်း အဖေတို့ ပြန်နီးစပ်သွားကြပုံရတယ်...."
" ဟင့်အင်း အဲ့လိုအဖြစ်မခံနိုင်ဘူး... အချစ် မောင်နဲ့မခွဲနိုင်ဘူး..."
" မောင်လည်း အတူတူပါပဲ အချစ်နဲ့မခွဲနိုင်ပါဘူး...."
တစ်ယောက်လက်ကို တစ်ယောက်ဆုပ်ကိုင်ပြီးတော့ အကြည့်ချင်းဆုံမိခဲ့ကြတယ် ။ အဖေတို့ကိုသိပ်ချစ်တယ်ဆိုပေမယ့်လည်း အတ္တကြီးစွာနဲ့ အလျှော့မပေးချင်ပေ ။
အထူးသဖြင့် မောင်နဲ့မခွဲချင်ပေ ။ အဖေတို့က ကွဲနေကြတာ နှစ်တွေကြာလက်စနဲ့ မိတ်ဆွေတွေအဖြစ်ဆက်မနေပဲ ဘာလို့ ပြန်နီးစပ်ချင်နေရလဲဆိုတာ ဂျီမင် မစဉ်းစားတတ်တော့ပေ ။
ကိုယ်တိုင်လည်း ချစ်တတ်တဲ့သူတစ်ယောက်ဖြစ်ရဲ့သားနဲ့ မောင်နဲ့မခွဲချင်တဲ့ စိတ်တစ်ခုတည်းနဲ့ အဖေတို့ကို စိတ်ဆိုးနေမိလေတယ် ။
" အချစ် အိမ်ပြန်ရောက်ရင် Daddy ကိုနားချကြည့်မယ်...."
" အင်း အချစ်ရဲ့ Daddy လက်လျှော့လိုက်အောင်သေချာပြောနော်... မောင့် အဖေက သိပ်လက်ခံသေးတာမဟုတ်ဘူး... အချိန်မီတားနိုင်မှဖြစ်မှာ..."
" စိတ်ချမောင်...."
ခွင့်လွှတ်ပါ Daddy ။ Daddy သားအပေါ်မှာ ဘယ်လောက်ချစ်ပြီး ဘယ်လိုအလိုလိုက်တယ်ဆိုတာ သားသိပေမယ့် ဒီတစ်ခါလည်း သားကိုအလိုလိုက်ပြီးအလျှော့ပေးဖို့ သား တောင်းဆိုပါရစေနော် ဟု ဂျီမင် စိတ်ထဲကနေ တိုးတိတ်စွာပြောလိုက်မိလေတယ် ။
ဂျီမင် သူ့ရဲ့စိတ်ကူးတွေကြောင့် Daddy အိမ်ပြန်အလာကိုစောင့်ကြိုနေမိလေတယ် ။
" Daddy ပြန်လာပြီ...."
" Daddy ကိုစောင့်နေရတာကြာသွားလား သားငယ်လေး...."
" မကြာပါဘူး သား ဒီနေ့ ညစာကို ဒေါ်လေးနဲ့အတူ ကူပြင်ထားပေးတယ်... Daddy အများကြီးစားရမယ်နော်...."
YOU ARE READING
Mysterious Love Circle ( Completed )
Fanfictionကံကြမ္မာဆိုတာ သိပ်ကိုဆန်းကြယ်လွန်းလှတယ် တစ်ချိန်ကကိုယ်အချစ်ရဆုံးသူဟာ အမုန်းရဆုံးသူအဖြစ်ပြောင်းလဲသွားခဲ့သလို ဖြစ်ပြီးသား အတိတ်ဆိုးတွေဟာလည်း ပစ္စုပ္ပန်မှာတစ်ဖန်ပြန်လည် အသက်ဝင်လာတတ်လေသည်။ ကံၾကမၼာဆိုတာ သိပ္ကိုဆန္းၾကယ္လြန္းလွတယ္ တစ္ခ်ိန္ကကိုယ္အခ်စ္ရဆံုးသ...
