( Unicode )
" ဘာတွေငေးနေတာလဲ အချစ်...."
" ဘာကိုငေးရမှာလဲ မောင်ရဲ့ မောင့်ကိုငေးနေတာပေါ့...."
ဂျီမင်ရဲ့စကားကြောင့် ဂျောင်ကုရယ်လိုက်ပြီးနောက် စင်ပေါ်မှာ မုန့်ထုပ်တွေစီနေလိုက်တယ် ။
" ညောင်းနေမှာပေါ့ အချစ်ရယ် သွားထိုင်နေပါလား..."
" ဟင့်အင်း မထိုင်ချင်ပါဘူး... မောင့်အနောက်ကနေတကောက်ကောက်လိုက်နေချင်တာ..."
ဘယ်ကနေအဲ့လိုစကားတွေတတ်လာသည်မသိ ဂျီမင်ဟာ သူ့ကိုတစ်နေ့တစ်မျိုး ချုပ်ဆေးတွေကျွေးနေလေတော့တယ် ။
" ဟုတ်ပါပြီဗျာ သဘောပါပဲ..."
ဒီနေ့ သူတို့နှစ်ယောက်ရဲ့ကျောင်းပိတ်ရက်ဖြစ်လေတယ် ။ ဒါကြောင့် ဂျီမင်က အိမ်မှာနေရတာပျင်းတယ်ဆိုပြီး ဂျောင်ကု အလုပ်လုပ်တဲ့နေရာကိုလိုက်လာလေတယ် ။
အခုလည်း ဂျောင်ကုက ဆိုင်ထဲမှာ မုန့်တွေလိုက်စီနေတာကို အနောက်ကတကောက်ကောက်လိုက်နေတယ်လေ ။ သူပါဝင်ကူပေးမယ်လုပ်နေတာကို ဂျောင်ကု မနည်းတားထားရလေတယ် ။
ကိုယ်ကသာအပင်ပန်းခံနိုင်ပေမယ့် ကိုယ့်ချစ်သူလေးကိုတော့ နည်းနည်းလေးတောင် မခိုင်းရက်ပါလေ ။ ပြီးတော့ ကိုယ့်ချစ်သူလေးက ခြေမွှေးမီးမလောင် လက်မွှေးမီးမလောင်နေရသူလေးဖြစ်တာကြောင့် သူကိုယ်တိုင်လည်း ရွှေလိုဥထားရလေတယ် ။
ဆိုင်ထဲဝယ်သူမရှိလို့သာတော်သေးတယ် မဟုတ်ရင် သူတို့နှစ်ယောက်ကိုမြင်ပြီး အမြင်ကပ်နေမှာသေချာလေတယ် ။
ထို့နောက် ဈေးဝယ်သူတွေရောက်လာတော့ ဂျီမင်က ဆိုင်ရှေ့က ခုံမှာ ငြိမ်ငြိမ်လေးသွားထိုင်နေလေတယ် ။
" နောက်လည်းလာအားပေးပါဦးဗျ... ကျေးဇူးတင်ပါတယ်...."
ဈေးဝယ်သူထွက်သွားတော့ ဂျောင်ကု နှုတ်ဆက်နေတုန်းမှာပဲ ဂျီမင် အနားရောက်လာလေတယ် ။
" မောင် ခုနကကောင်မလေးကိုကြည့်နေတာမလား...."
" ဟာ... မကြည့်ပါဘူး အချစ်ရယ်..."
နှုတ်ခမ်းကိုစူပြီး ရန်လာတွေ့နေတာကြောင့် ဂျောင်ကုမှာ ပျာပျာသလဲငြင်းလိုက်ရလေတယ် ။
YOU ARE READING
Mysterious Love Circle ( Completed )
Fanfictionကံကြမ္မာဆိုတာ သိပ်ကိုဆန်းကြယ်လွန်းလှတယ် တစ်ချိန်ကကိုယ်အချစ်ရဆုံးသူဟာ အမုန်းရဆုံးသူအဖြစ်ပြောင်းလဲသွားခဲ့သလို ဖြစ်ပြီးသား အတိတ်ဆိုးတွေဟာလည်း ပစ္စုပ္ပန်မှာတစ်ဖန်ပြန်လည် အသက်ဝင်လာတတ်လေသည်။ ကံၾကမၼာဆိုတာ သိပ္ကိုဆန္းၾကယ္လြန္းလွတယ္ တစ္ခ်ိန္ကကိုယ္အခ်စ္ရဆံုးသ...
