أنتقام غضــب

البارت 3

روايه_انتقام_غضب..

بقلمي_اميرة محمد♡
_________________♡
أجَيك بَلهفتي الـ تچوي ، وارد بَردان وادفه بنَدم جَيتي .♥♥
___________....

اباوع لأبويه مثل الأنتبه فورا باوع لجهت السجينه وفز مرعوب من مكانه اباوعله يجادل وي الرجال بس مداسمع شي بعيده عليهم تقدمت اريد اسمع شي بس وگفت من شفته همس شي بأذن ابوي وهوا عينه بعيني

ابوي انخطف لونه خفت عليه لاكن سرعان مرجع طبيعي هستوني درت وجهي اريد امشي
وستوقفني صوت رجال يصيح باسمي اول مره اسمعه درت على مصدر الصوت بكامل جسمي هستوني كلت..

شوك- نع... بس الرعبني من شفته واگف گدامي وابتسامه جانبيه مزينه ثغره بقيت واگفه عيني بعينه بدون كلام وهو مجتف ايديه
واگف بكل شموخ والابتسامة مافارغت وجهه ما اعرف من وين اجتي الجرأه وگف كدام رجال اول مره بحياتي كسر الصمت الدام بينه دقايق

غضب- انتي بنت الأستاذ وليد

بقيت ساكته لا ويعرفني ابن اللذين اردفت وعيني بعينه ما بعدته دقيقه

شوك- وانته منوو وشنو تريد من ابويه ل... قاطعني واني احجي وهذا الشي يخبلني

اردف بحد وكانو يعرفني من سنين
غضب- لا تجااوبين السؤال بسؤال

اردفت اقلده بالحجي شوك- اانته منووو

غضب- لا تلحين

تقربت عليه اكثر اردفت بعصبيه ممزوج بكره ما طايقه احجي وياه كلمه

شوك- انته تحجي صددك گاعد اشوفك حاط السجينه على رگبت ابويه وما بيدي اسوي شي وجاي تگلي لا تلحين

غضب- تعرفين ليش هيج سويت

شوك- لن مخبل

اردف بعصبيه غضب- لا تجاوزيين

شوك- وليش هذاك اليوم جنت تراقبنه

ضحك بستهزاء نرفزني شوك- ترى ما حجيت نكته

غضب- تعرفين يجي يوم وتعرفين كلشي شوكتي

شوك- لات.. بعدني احجي وعافني وراح رحت وراه هو يمشي واني امشي واحجي لى ان حجيت جمله توگف وبقى منطيني ضهره

شوك- ابويه عوفه الله يخليك

ضحك واندار عليه لاكن سرعان مرجعت ملامحه تخوف رغم جماله وجمال عيونه بس يخوف مو طبيعي ملامحه حاده ومغضبه بحيث ليباوع لعيونه يرتعب

غضب- وليش اعوفه وها ترى مو ابوج الهدف

شوك- لعد منوو

تقرب عليه وصل يمي قرب وجهه من وجهي بحيث ما تبعدنه غير كم سانتيم اردف بثقه

غضب- شووك

شوك- شنو قصدك

غضب- لا تستعجلين الايام جايه وتفهمين قصدي