أنتقام غضــب

البارت 23

أنتقام غضب..
بقلمي أميرة محمد🤎

لاتنسون التصويت والتعليق بين الفقرات لطفا🌷
-----------------------
عن لسان عزيز -

أذكُر مّرة كَتلي :
الليّل ويّ غيرك ذنِب
ومرّة كَتلي الليل وحشّة
بعيّن كُل واحِد مُحب
ومرّة كَتلي ، ومرّة كَتلي
هواي كَتلي ..
وطلع كُل حجيك جذِب ..
-------------------------

"فاطمه"

سكتت اجر النفس بشهگه ايدي ؏ حلگي اريد استوعب شجاي يصير اقرء بالرساله وروحي تنمرد وي كل حرف أباوع بالصوره مصدومه منو دازها وشوكت مصوريني بلعت ريگي بخوف من اجاني اشعار ثاني منه كاتب بيه

- تجين لو اصعدلج..

كتبت وايديه ترجف كل شوي اغلط بالكلمه وارجع احذفها

- لاتفهمني غلط الصوره جذب

شافها ومارد بقيت الوب بمكاني مرت قريب الخمس دقايق ارجع اباوع بالمراسله ويرجع الخوف يسكن گلبي نزلت دموعي بخوف ميته رعب رجع دز رساله

-جايج

فورا كتبت اجيت والله اجيت انتظرني

هم مارد فتحت الكنتور اخذت بشت لبسته فوگ ملابسي سحبت الحجاب عالسريع لبسته شلون مجان ايديه ترجف جسمي كله يرجف تضاربت دگات گلبي وجهي احس نار تطلع منه

نزلت بخطوات بطيئه امشي عالطراف اصابعي ماكو صوت والستقبال مطفي جاي ضوء من المطبخ طلعت برا رجلي وحده تطگ بوحده ماگدر اسيطر ؏رجفتهن كل تفكيري بالصوره اكيد عزيز دازها الحقير باوعت برجأء البيت محد موجود تقدمت شوي للأمام هم ماكو دعيت من گلبي كون رايح

بقيت قريب الدقيقه اني اتفحص المكان محد موجود فتحت التليفون اراسله بعدين گلت خل ادخل رجعت اريد ادخل ماحس الى نسحبت شهگت بصوت يمشي بسرعه ايدي بين ايده لازمها بقوه اخذني ورا البيت المكان هناك اظلم لن بالعاده نطفي الاضويه ورا البيت

أسحب بأيدي واحجي بصوت ناصي اتوسل بيه لاتفهم غلط عفيه الصور جذب وماعرف ياخرا دازها لك والله مو ان..

ماكملت كلامي ودفعني عالحايط ايده على وجهي عاصره قوي نزلت دموعي وجهي احس تكسر بين ايده حجه بعصبيه يرجف

سفاح- لججج لييش تحلفييين هااا انتتي انتيي بالصوره وجهجج واضحح مبينه ملامحج كلهاااا

حجيت بالكوه يطلع صوتي مو اني

ضحك مبتعد عني مسح ؏وجهه اگدر اشوفه بسبب الضوء الامامي ليتخلل لهلمكان رجع عليه بسرعه سحبني ايده ورا راسي والثانيه لازم بيها فكي بقوه واني هادئه من كثر الخوف بس دموعي والشهگه