أنتقام غضــب

البارت 10

انتقام غضب..
بقلمي أميرة محمد 🤎

لا تنسون التصويت+التعليق لطفا 🦋
-------------------------------
دعني أحبك مثلمَا أحبَبتني
من دونِ خوفٍ من نهاياتِ الغدِ
فضياعُ عمري في سبيلكَ هيّنٌ
لكنني أخشى ضياعَكَ من يَدي ...
--------------------------------

هستونا نزلن الدرج وفاطمه حطت ايدها ؏حلگه شاهگه واني خل توازني من هول المنضر الغواش بدء يسيطر ؏عيوني ماسمع غير شهگات فاطمه وبجي فريده

اباوعله كبالي بطنه وأيده ملفوفه بشاش ابيض ولازمي سفاح من جهه وعاشق من جهه وجهه ذبلان بجيت بصوت من فتح ايديه ألنه

راحت فريده حضنته رحت وراها اني وفاطمه حضناه عكمش وجهه بألم

اشرلنه سفاح نبعد عنه بعدن بس اني بقيت ابجي وهوا يحجي بهدوء ويطمني مابي شي
بعدت سفاح ولزمته مرتكي عليه
وصلنا هستوني فتحنه باب غرف الضيوف نكعد بيها وصاح بينه

-لااا ماريد صعدوني لغرفتي

سفاح- بطل كلاوتك ودخل جرحك بعد رطب

عاشق-اي غضب دخل جوا الدكتور كال مو زين عليه الدرج والثكل ينفتحن خياطاتك

غضب-لا لا مارتاح الى بغرفتي

فريده- غـ..غضب لخاطري ادخل عفيه

غضب- شبيكم ما رتاح الى بغرفتي

فريده-لخاطري

-لخاطرج راح ادخل

دخلنا كلنا كعدناه ؏الجربايه تمدد ويحوص كالساعه يريد يگوم اجتي فريده كعدت بقرب الجربايه عالكرويته

- احجي

بقينه كلنا مصفنين عليهم اني وفاطمه كاعدين عالكرويته گبال عاشق وسفاح وفريده تحجي وغضب يجاوب ع اسألتها بس هي ماتقتنع

-غضب تحجي ترى ادري دتضحك عليه وين اكو حادث طلقه جايه ببطنك وثاني بكتفك

- گتلج حادث شبيج فرفر ماصدكين بيه

-مو ماصدگ بسـ

-تعبان فريده مابيه حتى احجي

-ادري تعبان ادري بس وريت گلبي غير اعرف من مسوي بيك هيج

-بعدين نحجي يلا اطلعو بس سفاح ابقى عندي شغل وياك

هستوها احجت واشرله سفاح

فريده"
طلعنه كلنا الى سفاح بقى رحنه عالكرويتات گعدنه كل واحد اخذله مكان تعبت من البجي لشوكت نبقى بذعر وخوف

باوع للبنات يبجن رحت عليهن كعدت بنصهن حضنت كل وحده من جهه وبقيت اصبر بيهن مدري اصبر منو اصبر نفسي لو اصبرهن تعبت والتعبني غضب