أنتقام غضب..
بقلمي أميرة محمد🤎
لاتنسون التصويت والتعليق بين الفقرات لطفا 🌷
----------------------------
شوكـت نلتقي بنفس شعور سمير صبيح :
" العـيون استراحن هودنِ بالشوف والگلوب ألتقن وبشوگنا أحترگن " .
----------------------------
"عاشق"
گاعدين بالمستودع معمر وسفاح وخنجر ومقابيلنا انضف بالاسلحه ونسولف ؏المهمه الجايه
عاشق؛ اگول سفاح
سفاح-گول
ماحجيت بقيت ساكت لن سالفه بايخه نزلت راسي بأيدي مسدس افصخ مندمج وادندن بأغنيه بصوت ناصي احجي وياهم محد يرد ستغربت رفعت راسي اباوعلهم بشك كل واحد عايف لي بأيده ويباوعلي بعصبيه بلعت ريگي شبيهم ليش هيج يباوعون
-خيركم مضيعين شي بوجهي
بدون سابق انذار كفخني سفاح براسي اااخ شبييك
سفاح-سممم ب*** صااار ساعه منتظرك تحجي
معمر-والله واناا اباووع لحلگه هسه ينطق هسه يحجي ماكو نزل راسه عبالي يفكر
سفاح-سفااح اگوول
يحجي ويقلد عليه يعوج بحلگه للحضه هسيت نفسي أونثى هه درت وجهي لخنجر وانتَ ماتريد تحجي
هز راسه لا يضحك هزيت ايدي عبالك جهال رجعنا نكمل شغلنا اجه ببالي سؤال
-اگول سفاح
عاطو بيه بصوت واحد گووول
-وطححل بطلللت ماحجييي
معمر-خفتآ وراحه
رجعنا لشغلنا نتافف صار ثلاث ساعات من الدفگ للمسدسات للبضائع لازم الليله نهربهن
خنجر -اگول سفاح
سفاح-ستغفر الله، اكوول ابني گوول
خنجر - سمعت بيك مخطوب
سفاح- اييي لوتشوفني شلبستلهن وطلعت ايباااا، عاط بيه شبييك ابنيي شاارب مخطوب شنو مخطوب غير خااطب
ضحكنا بصوت وهو ملامحه مغضبه متحملنا ع عصابه
خنجر- اي وشبيك معصب،
مارد عليه رفعت ايدي احجي اناا رحتت للمشيه لتفتو عليه معمر وخنجر
معمر-شو انا مادري
خنجر-وانا مادرري
عاشق- وتخيلو منووو العروووس
سفاح-عاااشق
معمر-عود يغاار دوليي بابا وليي، احجي عشقي احجي لا تهتم انا بظهرك لا تخاف
خنجر-وانا هم
أنت تقرأ
أنتقام غضــب
Mistério / Suspenseتقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد و...
