#انتقام غضب..
بقلمي أميرة محمد🤎
لتنسون التصويت والتعليق بين الفقرات لطفا🌷
___________________
غضب شيكول لشوك:-
الگلب كدام عينج جيب اليصبره..
نقطة ضعفي هاي عيونج الخضره.
__________________________________
شوك"
-منوو؟
- انيي ترف افتحي الباب بسرعه
زفرت نفس براحه فتحته بدون تردد وياريت مافتحته جحضت عيوني بصدمه وذعر
تراجعت للوراء واني اشوف ابو مالك لازمها وبايده مسدسه عيونه بگصته
وجهه ميتفسر يخوف بلعت ريگي وتداركت الوضع سديت الباب بسرعه لكن مالحگ ينطبك
ولزمه بايده احس گلبي وگع بين رجليه دفعته بايديه مكدرت ف خليت ظهري ادفع بيه بقوتي وهو لازم بيه ويسب بيه ويفشر
ثواني هي وگعت على وجهي من دفع الباب قوي من قوت الضربه رجع يريد ينسد ورجع دفره برجله دخل وسده بقوه بقينا بس اني ويا
تراجعت ازحف والرجيف اخذني احس العرق ينزل من وجهي باوعت للمسدس ورجعت باوعتله عاقد حواجبه بغضب ويتنفس بسرعه كانو نار تطلع منه عاط بصوت جفلني
ابو مالك- اليووومم اموووتج اليووومم.. ستهترتييي فرددد مررره بنتتت الكلببب
بقيت ساكته صدري يصعد وينزل
وبلع بريگي گمت واني اتابع حركاته يتنفس بسرعه مخيفه
اخذتني عيوني للحمام رجعت باوعتله
مثل الشك قلص عيونه وحجه فحيح افعى
ابو مالك- لاا تعبين هالعقل الحلو بالتفكير لان بس الله اليوم يخلصج مني ف لا تتعبين وتحاولين عالخالي بلاش
شوك- مم.مسو.ويت شيي ش.شتريد مني
ابو مالك- وساجده منو ضربها
رفعت اكتافي بالنفي
شوك- ش.شعرفني
ابتسم ثواني وعاط نزيت من مكاني خايفه
ابو مالك- ولللللج عييين تجذبييين
شوك- مو انيي احلفلك مو اني
ابو مالك- اذا مو انتي منوو هاااا منووو
شوك- والله مادري
ابو مالك- لججج لا تجذبيين لا تجذبيين لااا اموووتج
سكت كل جسمه يرجف ستغربت ليش لحد الان مهجم وضربني
مجرد واكف مسافه عني وينافخ صاير بركان
حسيت اكو شي غلط لان ممعقول ميضربني هذاك اليوم تجاوزت بكلمه گطعني هسه ضاربه زوجته بس يتهدد
حاولة ابين نفسي مو خايفه لان حسيت بيه شي حسيت بأمان معرف شعور يكلي محيسويلج شي
شوك- وهسه شمطلوب مني.. شتريد تضربني لو شنو
ابو مالك- واموووتج مو بس اضربجج
شوك- هياتني كدامك اضرب شمنتظر
أنت تقرأ
أنتقام غضــب
Mistério / Suspenseتقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد و...
