أنتقام غضــب

البارت 42

انتقام غضب..
بقلمي أميره محمد🤎

لاتنسون التصويت والتعليق بين الفقرات لطفا🌷
•_______________________________•
كون تشوف روحي شخله بيها الخوف♥️
•_______________________________•

شوفو البارت القبله حتى تذكرون الاحداث☝🏻

شوك"

بقيت جامده بمكاني اسمع وشيش كلامه واحس راسي افتر فاتحه عيوني عالوسعهن اردفت كلامي واني داخلي يجذب كل كلمه حجاها

شوك- شكاعد تحجي سفاح . ءاعرف اعرف ابويه شخص مو كد المسؤليه مو زين وي عائلته لكن.. كوول غيرها عفيه

كملت كلامي واني روحي ترجف شفايفي يبسن من الهبطه

سفاح- ماكووو ايشي يدفعني اجذب عليج وانا حجيتلج حتى تعرفين حقيقه ابوج وحتى لا تضلمين غضب اعرف السواه قبل مو قليل لكن كلش قليل كدام سوايت ابوج واعرف مو من حقه يخطفج لكن كان مقتنع انو هذا انسب انتقام وماكان يرد على احد

اسمعله وداخلي سهام تنهش بلحمي يعني ابويه هيج يسوي اتوقع كلشي قذر يطلع منه لكن هذا الشي حتى بتفكيري ماكنت افكره هلكد رخيص وحقير لو كان غضب ماخذ روحي هم ما كان وفه انتقام

دموعي تنزل تحفر بخدي اذكرت كلامه قبل من گال
غضب- خاف احجيلج الحقيقه وتكرهين حتى ابوج

زفرت نفس بشهگه حجيت بعبره

شوك- عووفك مني سفاح عوفك مني.. اوووف ياالله.. سحبت هواء مختنگه ومنقرفه حجيت مكمله كلامي زين. زين ليش مالزمته الشرطه ليش لحد الان هو حر

سفاح- سالفه طويله شوك.. بس تكدرين تساعديني اعرف مو سهله لن ابو..

ماخليته يكمل حجيت بصوت واثقه من كلامي واني حتى ذره محبه مابقت بروحي اله

شوك- اساعددك اساعدك بس كولي بشنو واني اساعدك

سفاح- اكو اوراق عند ابوج اوراق غير قانونيه وكو تسجيلات كاميرات عنده من زمان تاكدي اذا ضامهن او منطيهن او كاسرهن حاولي تعرفين باي طريقه

شوك- تمام.. لكن. احجيلي ليش هيج سوه وشنو غايته يعني شكله مو مال واحد عنده شبكه عصابات

سفاح- حجيتلج انو سالفه طويله.. بس راح احجيلج مختصر......ابوج جان قبل عنده عداوه وي مهند لكن قبل هاي العداوه جانو اصدقاء..