أنتقام غضــب

البارت 2

#الكاتبه_اميره_ محمد 💅
#انتقام _غضب

فتُراكَ تَدري أنّ ‌ حُبّكَ⁩ مُتلِفي
‏لكنّني أُخفي هَواكَ وأكتِمُ
‏إن كُنتَ ما تدري ، فتلكَ مُصيبَةٌ
‏أو كنتَ تَدري ، فالمُصيبَةُ أعظَمُ ..

احس نفسي أصرخ اطلب المساعده بس محد. يسمعني اريد احد يخلصني من بين ايدين هل وحش ما اكو محد اجه وهوا مستمر يضغط على رگبتي ومطالع منه غير عيونه الكلهن شر وحقد لى ان حسيت خلاص راح اموت

فزيت مرعوبه الهث باوعت لجهتي شفت ترف گاعده بصفي وممنتبها عليها الدمعه بطرف عينها هستوني اريد احجي وهي بجت تسألت بخوف

شوك _ شكو ترف صاير شي

ترف _ لا ما صاير شي بس خفت عليج چنتي تصرخين

شوك _ لا يروحي لا تخافين چنت احلم

ترف _ شنو الحلم؟

شوك _  ها هيج مجرد حلم

ترف _ لعد اني اروح انام بعدهي الفجر

شوك _ و اني اگوم اصلي .

ترف _تمام

نهضت روحي متوجها للحمام توضيت وصليت وگعدت اقرء قرءان كملت وگمت لفراشي اخذت موبايلي لگيت جايني رسائل كومه من صديقاتي لن ماحاجيه وياهن صار ثلاث ايام رديت عليهن بقيت احجي وي كم وحده احنا داخلين مجموعه شغل ما احس لن الساعه ٥:٤٥

نزلت جوه لن جوعانه جاي امشي متوجهه للمطبخ ما اسمع غير صوت ابويه يكول

وليد _ ااانه موووكتلك لا ترووح مووكتلك لا تحجيي وياه

جذبني الحديث على منو يحجون وياهو لميقبل ابويه يروحله ووي منو يحجي قربت اكثر من الباب اباوع هاذا ابويه لازم اخوي خالد يعت بيه ويحجي بحرگه اخوي بس ساكت خفت حيل اكيد صاير شي بس طول حديثهم مافهمت شي يحجون باللغاز

اخر شي ابوي صفگ ايد بأيد واحجه بخوف ممزوج بتوتر

وليد _ هاي هيه انتهينه اكيد راح يطلب اكثر اكيد ما راح يعوفنا

بقى شوي ساكت وصافن واني بس صافنه اباوع من فتحت الباب لاكن فززني قوه صووت ابويه

وليد _ ولللللك ليييش ومنووو سمحلك منووو منووو گالك روحله هااا احجيييي لا تضل تفهييي مثل المررره

خالد _ ا. ا..بو.يه بوي ه. هوا هو گالي.. گالي عندي..

وليد _ شنووو كالك يل فاااهي غبييي ما تفتهممم

رتعبت من قوت صوتهم وتعجبت ليش لهس محد اجه على قوت الصوت بس الأرعبني اكثر من ابويه ضرب خاالد كف وهاي اول مره اشوفه يضرب احدا من اخواني بقيت اتصنت يم الربع ساعه شفت اخوي يتقدم على الباب يريد يطلع ركضت على اطراف اصابيعي

حد موصلت الدرج باوعتله دخل للغرفه واني ركض لغرفتي مرعوبه والف فكره اجتي براسي
وصلت للغرفه دخلت وگعدت على الجربايه او السرير حتى جوعتي نسيتها