أنتقام غضــب

البارت 4

#انتقام غضب..
#بقلمي أميره محمد ♥

لاتنسون التصويت +التعليق بين الفقرات.. ♕
________________________________♡
- يبعد رموش عيني
-وجفني والعين
-وصبيهة ونضرهة
-وذيج الايام
-سنه ماشايفك بس انت موجود••♡
-لهسه اشتم عطر من شوفت لعام:؛
-ماتاجرت بأسمك بس تعاطيت♥
________________♡
-غضب- الوووو عااااااشق تسمعني عااااشق لاتسكتتتت ما راح يصيرلك شييي عااااشق

هنا اني تخبلت عقل مابقى براسي اريد الزم المفاتيح (السويج) ماكدر ايدي كلها ترجف احس ضغطي رتفع حركت السياره تحط وطير من السرعه اريد بس اوصل ماكو دقايق وهتز تلفوني اجاني اتصال
مابيه اشيله وشوف المتصل منو كل تفكيري بعاشق هدء التلفون شوي وعاود الاتصال مره وثنين وثلاث

تنرفزت من الصوت وعلى ساعه اندعم اخذته بدون ما اباوع على الاسم رديت اجاني صوت شخص غريب ماعرفه جنت كل ضني واحد منهم بس الصدمني من كال

الرجال - الووو سلام عليكم شنو تصير منهم لن حالته خطره

غضب بخوف - وعليكم السلام خويه منو هم

الرجال - خويه ماعرفه لكيت العالم ملتمه عليهم واسعفتهم للمستشفى لن حالتهم خطره

غضب- ويين ويين فدوووه لا تعوفه هسه جاي هسه بسـ... بس ويين يا مستشفى

الرجال- لا تخاف ماعوفهم بس لا تتأخر وهسه احنى بمستشفى ال******* ه يم ت"*****

حچيت بدون تفكير
غضب- اي اي هسه جاي جاي خليك وياه لا تعوفه

الرجال- منتضرك خويه

سديت الخط واني افكر بعاشق ماعندي غيره خاف يصيرله شي

هو كال مو بس واحد لعد منو وياه خوف هم لعبه منهم ويطلع مو عاشق اااخ هزيت راسي عدت مرات اطرد الفكار الوسخه من راسي أهم شي عاشق كون مايصير له شي

دقايق وصلت للمستشفى وگفت كبالها واني استرجع اكثر ذكرى سيئه مرت بحياتي هنا هذا نفس المكان لي مات بيه اعز ناسي لسلب روحي وياه

انتفضت الفكار من راسي ودخلت اركض رحت للسكرتيره لي توگف بالباب سألت بخوف

غضب- سلام عليكم

السكرتيره- وعليكم السلام تفضل

غضب- هم ااجه مريض قبل شويه بأسم عاشق فلاح ال***

السكرتيره- انتضر حتى اتاكد

بقت دقيقه تتفحص سجلات المرضى

السكرتيره- شنو تصير منه

غضب- اخوه اني اخوه

السكرتيره- اي نعم قبل شوي اجه مسوي حادث سياره مو

حجيت بخوف غضب- اي اي هوا.. هوا بس ويين هوا هسه بي طابق

السكرتيره- الطابق الثاني ردهت الدكتور سليم عبد الرحمان هسه هوا داخل عمليات لن حالته خطره