#انتقام غضب..
بقلمي أميرة محمد 🤎
لاتنسون التصويت والتعليق بين الفقرات لطفا🌷
•__________________________•
مشتاگلك بَس لا تجي تعوَدت اضل مَشتاگلك .
•__________________________•
"فاطمه
اصوات غريبه مجادلات كلاميه
صراخ رجال بصوت خشن مرعب غريب
مكان حار
جسمي خدران راسي يوجعني
احس بخشونه الگاع توجع بجسمي
فتحت عيوني ببطء اتنفس بسرعه اباوع بالفراغ كلشي مايتوضحلي
رفعت ايديه بصعوبه كبيره لعيوني
افرك بيهن اريد الروئيه تتوضحلي كلشي محاوطني بالون الاسود
رجعت غمضت ابلع بريگي يابس
فتحت عيوني نفس الشي ضربت على راسي بصعوبه بسبب الخدر احاول اتذكر شنو صار ومنو هذول الاخذوني
كلشي ماجاي اذكر عقلي مشوش
باوعت بالمكان مثل المخبله اتلفت اريد ضوء المح ماكو حسيت نفسي تخبلت
يعني اختناق وكانو واحد گاعد يخنق بيه بقوه
صارت عندي لحضه ادراك انو عميت ضربت على عيوني اصرخ
بصوت واضرب عبالي نعميت ماكو فايده
حاولت ازحف ادور عالباب
عطت بصوت خايف مذعور تعبان
- منووو هنااااا ساعدونيييي اكووو احددد هنااااا
ماكو اي رد فعل حتى الاصوات ختفت تلمست الگاع اعدل بگعدتي وايدي تحرگ بيه
لميت رجليه لصدري اهز برجلي بخوف وتوتر
كل ضني اني عميت خلاص لن الضلام مو طبيعي
نزلت دموعي بحراره تچوي خدي
الوم بروحي لن فتحت الباب شهگت ابجي بصوت اناشغ وادعي ربي يساعدني
ماعرف وين اني ومنو هذول
وشنو يردون مني
بقيت فتره اني على بجيه وحده عيوني احس طگگن
احس بلعبان نفس بخنگه محاوطه بلعومي
اشهگ الهواء وكل ثانيه اتلفت
بسبب الظلام لن واحد عايش الشعور
واحد من يبقى خمس دقايق بدون ضوء ينجن
مو اني الصار ماعرف شگد مر من الوقت
واني بهالمكان
بعد مده قررت اگوم اشوف بلكي لگه شي
رجليه وروحي تعبن من الگعده
امشي بحذر وايديه بالهواء اتلمس اخاف شي گدامي
جفلت على صوت طرقات قويه عالباب
ثواني وصار صوت طلق دوا المكان
گعدت على حيلي اديه على اذني وابجي بكتمه
الصوت الطلق يزرف بگلبي قبل اذني
بهالحضه عشت كميه من الرعب والذعر
حسيت نفسي بحلم واريد بس اصحى منه
اريد احد اريد سفاح يگعدني
اريد اسمع صوته ونلم بحضنه يهمس بأذني
گعدي ففه ليش تبجين
بس لا حياة لمن تنادي
اني نخطفت اي نخطفت وماعرف وين اني
صرخت بصوت من كميه الرعب والوجع اللجم گلبي روحي ممروده
اريد ضوء اريد ضوء يتخخل لعيوني
تعبن هالگدما فاتحتهن حتى يجيهن ضوء
تمددت بوضعيه الجنين الهث عبالك واحد ديركض كل ثانيه الم روحي لصدري اكثر بخوف ماعرف هاي الگاعده بيها شنو غرفه بيت صخام كلشي ماعرف
رغم بعده الشتاء بس الحر البيها مو طبيعي
احس نفسي بمقبره للحضه حجيت وي نفسي اخاف اني بعالم الموت
من كل عقلي
أنت تقرأ
أنتقام غضــب
Mystery / Thrillerتقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد و...
