أنتقام غضــب

البارت 49

#انتقام غضب..
بقلمي اميرة محمد🤎

ليش متعلقون بين الفقرات +صوتو للبارت وتابعو حسابي
•_____________________________•

افز من نومي الكه بسمعتي يشوهون.
واحاول ابتسم ماريد ابينلك..
ومن اعرفت انت الساعي بالتشويه. …
وصلت لمرحله من الصدمه اصفگلك*.
•_____________________________•

فاطمه "

دفعته عني بقوه طفر فاز يباوعلي وعيونه باهته بلع ريكه واني ضربته كف بدون كلام وحجيت والعبره خانگتني

- اكرهكك ياقذررر

لزم خده وباوعلي شعره نازل على عيونه مانطه اي رده فعل واني ارجف ارجف لزمت صدري اسحب نفس ودموعي تجري كلما اذكر كلماته احس شكد اني قذره لان مصدكته

حجه بهدوء وملامحه طبيعية وعيونه بيهن لمعة ندم

- عرفت شلون اكعدج

حجيت العبره خانكتني
- ش.شنوو؟

بس كملتت تمدد عالجربايه لازم بطنه ويضحك يضحك بصوت عالي اول مره اشوفه هيج يضحك هو صح دائماً يضحك بس مثل هسه ابد جاي احس واحد ثاني كدامي
صافنه عليه دموعي جفت على خدودي مثل الاطرش بالزفه

-هههههههه ااخ يمممه اااخ هههههههه

عرفته ديجذب عليه برطمت شوي شوي ونفجرت ابجي غطيت وجهي وبجيت بصوت عالي محروگ گلبي والله كلت هسه اطگني جلطه
صوته ختفه حسيت الضوء شتغل وخطواته رجعتت تتقرب من الجربايه كعد حاول يسحب ايديه دفعته ورجعت غطيت وجهي مستمره اناشغ وهو يحجي بحنيه يحاول يسكتني

- ولج بويه وعلي اشاقه شبيج..بس ردت اكعدج

حجيت من بين نشغاتي

- جااا هيج هيج.. كلبي جا وگفف لاا والله وگف بس مدري شلون بقيت عايشه

سمعته ضحك وخرت ايديه خازرته فورا سكت
قرب ايدي راد يلزم وجهي دفعتهن حجيت بعصبيه

- لا تتقرب مني سفاح شنو شايفني مضحكه بايدك بله وكف كلبي لو متت اضحك بوجهك

- لا بوجه الملائكه

لم شفته لداخل حلكه يكتم ضحكته واني افور شوي وانفجر بيه وهو منا يحشش ضربته بصدره ودرت وجهي نايمه ومنطيته ظهري غطيت نص جسمي كل شي بيه يرجف وكلبي ماحس بدكاته من كدما يوجعني الهبطه بعدها بيه صافنه ودموعي تنزل هاي بس جذب عليه وهيج صار بيه لو صدك كلامه شنو اسوي يمكن اموته اي والله شحده يحب غيري

تفكيري بكلامه واتخيل يحب غيري لو يهتم بيها ويصيحلها ففه وهذا مو اسمي احس بجسمي ينتفض ودموعي تسابق مجرد التفكير بالموضوع

فززني من دوامة افكاري الضوء من نطفه
رجعت صفنت كلما اغمض اتخيله نايم يم وحده ويهتم بيها ويغازلها مثل مايهتم بيه لو مثل كلامه الحنين وياي وصلت بيه سديت حلكي وبجيت بصوت كل جسمي يهتز