أنتقام غضــب

البارت 32

انتقام غضب..
بقلمي أميرة محمد🤎

لاتنسون التصويت والتعليق بين الفقرات لطفا 🌷
--------------------------
اجيت بكل حطب روحي
ولا تنور من جرحك
اجيتك والعرِف والمو عرِف يضحك
---------------------------------------
"فريده" 

بقينا يوم اهلي محد اجه منهم بس فاهد تطمن على حالنا واذا غضب محتاج شي وراح وعاشق وسفاح هم غضب ماقبل يرحون بس معمر عايف شغله ويروح وياه منا ويرجع منا

جنت كاعده عالكرسي بصف شوك وغضب طلع يجيبلها اكل وسوائل فتحت عيونها ببطء كمت تقربت منها

- ها حبيبتي..هاا شوك

حجت بهمس بالكوه يطلع صوتها

- ر.رجلي تأذيني

- جلعها برجلي ياحبيبتي هسه اشوف الدكتور يعينلج مسكنات شي

هزت راسها دموعها تنزل عاضه شفتها بالم طلعت اشوف الدكتور سألت عنه ممرضات كالن عنده اجراء عمليه رجعت لكيت وحده بالطريق حجيتلها اخذتها وياي شخصت حالتها وكالت

الممرضه- عمري لا تخافين هسه اشوف دكتورج يجيج

فريده- ليش انتي ماتگدرين تنطينها ايشي ادويه ابر

الممرضه- مو عمري ماكدر الى يشوفها دكتورها اخاف انطيها ماده اكثر او اقل وتالي اطيح براسي

فريده- بسس البنييه حتمووت علما يجيي دكتورهاا انطيها مهدئات

الممرضه- قابل شاسووي ياعيني هالشي مو بيدي اي غلط يصير اتعاقب عليه وكذالك اني مو من فريق الدكتور معمر لذالك اعتذر

- تكدرين ادزيلي وحده من فريق الدكتور

الممرضه- اجيبلج الدكتور نفسه بس انتظري دقايق

هزيت راسي عافتني وطلعت تقربت الشوك تغمض وتفتح بألم غمضت تتنفس بسرعه لزمت راسها احجي بخوف

- ماما حبيبتي..شووك تسمعيني شوك

همست بصوت رايح تنفست براحه ودموعي عشره عشره عبالي صارلها شي دقايق ودخل معمر تقرب عليها يحجي

معمر- لحمد لله عالسلامه ذيبه

شوك- الله لا يسلمكم كل هذا الاني بي من وراكم

اباوعلهم بفهاوه شبيهم هذول يمكن مخربطين شنو ذيبه شنو شنو..تحمحمت شوك بالگوه تحجي شدله مغذي وهو يسولف منطلق

معمر- عيني هذاك رجلج وروحي تعاركي قابل احنا شعلينا...ناس ماتعرف تشكر اعوف شغلي نص الليل واجي داوي ايد شوگه خففف لهلوجهه