أنتقام غضــب

البارت 11

أنتقام غضب..
بقلمي اميرة محمد 🤎

لا تنسون التصويت والتعليق لطفا 🦋
-----------------------------------------
النكد والنرجسّية وذاك العناد
وضحكاتج التغلب طبعج الجاد
وذوقج بأختيار الاسود عِليج
جمالج جان زايد اصلاً وزاد•
-----------------------------------------

صوت حجي قريب عليه واحد يحجي وياي بس ما كدر افتح عيوني شي بارد يمشي بأيدي نغزات خفيفه مؤذيه احس بأحد لازم ايدي افتح عيوني ببطء ورجع أغمض بألم راسي دايخ

فتحت عيوني بتعب لگيت نفسي نايمه عالفراش بالغرفه شفته گاعد گدامي مثني رجله وبجانبه رجال بگده ماشايفته حجيت بتعبت
-لـ..ليش مامـ.متت

اسمعه يصيح ويغلط واني مغمضه ودموعي تنزل بهدوء والرجال بعده لازم ايدي حاوله اسحبها ونتر بيه

معمر-خلصت لا تتحركين لحمدلله الجرح مو غميج

مارديت عليه رجع حجه بهدوء مستمر بعمله

معمر-محد يستاهل تنتحرين عالموده لازم تبقين قويه بعدج صغيره على هيج سوالف العمر بعد گدامج تـ..

غضب -معمررر كافي نصايحك وفرهن

معمر-حرام عليك غضب شنو ذنبـ..

عاط بيه وهو يفتر بالغرفه مثل المخبل كالساعه وضرب ايده لو بالشباك او بالحايط

-معمرررر

-سكتنه بس أهدئ شبيك

حجيت بغصه ودموعي يجون خدي
-بسببه هو..هو خطفني سـ..ساعدني عفيه خلصني منه

مارد عليه لف أيدي بشاش ابيض وبعدها ضرب ابره بلكانيولا منتضره تخلص يدفع بيها شوي شوي حتى لا تأذّى

وغضب بعده يعيط اردفت كلامي موجهته لمعمر-ساعدني خلصني منه والله تعـ..تعبت كرهت حتى روحي أذا..احم أذا تعرف بيه خاطفني لـ..ليش ماتخبر عليه الشرطه

اردف كلامه بعدم مبالاة سم ودخل گلبي

معمر-انا شريك وياها بهالجريمه واذا لزموه الزم ف افضل السكوت

-شتردون مني

-مانريد شي

-لعد ليش خاطفيني

-عدنا ثار وي ابوج ثار قديم

-واني شعليه بابويه حرام عليكم

-مو بأيدي اذا الامر راجعلي جان حتى ماخطفتج مجرد انتقم رجال وي رجال

احس يحجي يريد بس يسمع غضب
-لـ..

-يلا تگومين بالسلامه.. غضب خليت مسكنات خل تشربهن ورا الاكل

عافني وطلع وهو طلع وغضب اندار عليه تقدم عليه بعصبيه لزمني من أكتافي يعت بيه ويعيط