أنتقام غضــب

البارت 28

انتقام غضب..
بقلمي أميره محمد🤎

لاتنسون التصويت والتعليق بين الفقرات لطفا 🌷
-----------
ومِثل نَار بگطِن مَا بيّنت مهَموم
بارِد بالوجَة وأنةٌ أحتِرگ سكَتة .
-----------

فاطمه "

مر كم اسبوع ؏زواجي عائلة سفاح كلهم يجننون وكل واحد. شخصيته مختلفه عن الثاني لى ساره مرات ماكو مثلها تنصح ومرات توسوس براس عمتي وهيج شغلها وصخ وهيج طبخها محلو بس اذا هي عمتي بنفسها نبهتني منها ولا اختلط بيها

عائلتهم صغيره سفاح عمه دره لائث وسراج وزوجته ساره طالعين بيت بوحدهم بصف بيتنا حايط على حايط بينا باب من افتحه ادخل بيتهم فورا لا ممر ولا شي نضحك بصوت ونسولف طبيعي بصوت عالي مرتاحين  وشقا بس من يدخل سراج كلها تهدئ مو خوف منه لا احترام اني يوم شفت دره نفسها محترمته هلگد سويت مثلها ابد ولا احجي ولا اسولف لن بجد خجلت مو مثل لائث

لائث موضوع ثاني اربعه وعشرين ساعه ينكت ؏سفاح ساعه يدير ؏ساره وهو ودره يگعدون يحشون المنطقه من الطرف لطرف مايبقون ولد لو مره لو رجال يخبطون من اول بيت لاخر بيت

واني وسفاح مثل الحار والبارد اذا طبگن نگب اني ماحجي وياه لن بالنهايه اني الازعل واعصب بسبب اسلوبه البارد وتجاهله ألي ماعرف شيريد ومتقربلي من يوم العرس واني محجيت بهذا الموضوع بس رغم هالشي احساس حلو بداخلي من اشوفه ودي حضنه مرات اصفن بملامحه شكد حلو اتمنى لو جنه عايشين حياه ك اي زوجين واحد يحب الاخ

بس هو دائما يحسسني اني مثل بنته ماعرف دائما تصرفاته وياي كانو طفله ومرات انزعج منهن لن افكر يمكن يشوفني جاهله تعلمت ؏نمط حياته وشنو يحب وشنو يكره وشنو يريد وشنو ميريد يكره ارفع صوتي عليه او ارادد حتلو بهدوء، 

شيء واحد حبيته بيه انو من اسولف عليه يعوف ألي بأيده ويبقى مستمعلي انتبهله هواي يصفن برگبتي من اسولف فورا تنگلب ملامحه للعصبيه جهلت السبب....

هو علمني ماضم عليه شي ف اخذتها قاعده اذا اجه باليل اسولفله عن يومي كله وشنو صار ومنو اجه حتى ؏ملاهدنا اني وساره ودائما بحذرني اتجاهلها عالمود امه حتى ليتعاركون هو واخوه وتزعل امه يكول انا اخذ حقج منها وصدك يومين تجي تعتذر ؏الصار ماعرف شنو يكوللها

حياتنا باااااارده اسلوبنا وي بعض بارد مشاعرنا تجاه بعض بارده كلشي بينا ملني ؏الابرود والتجاهل رغم ماجنت رايده هالشي ولا جنت متمنيته ولا بيوم اتوقع هيج يصير بيه جنت اكول ربي عوضني بيه بدل اهلي بس من اشوف بروده ازعل مرات حتى ابقى ابجي لن فراغ صار بگلبي كل مره تصبرني فريده ؏مر الايام هسه محد عندي صح هو يهتم بيه ويشتريلي كانو طفله بس اهتمام ببرود جااامد

يعني شنو لذت اهتمامه اذا ميهتم بمشاعري ولا يشوفني زوجه اله مرات يحسسني كانو بنيه عايشه وياه بنفس الغرفه باجبار وكاعد يتجاهلني اصفن بيه اشوف وراه ماضي جبير ومؤلم دائما اكعد وي الصلاة او قبلها لكاه كاعد بالگاع وفاتح الكنتور من يحس عليه فورا مدري شيضم ويقفله حرت شلون افهمه او عجزت افهم تصرفاته وشيريد اذا هيج ليش ازوجني