أنتقام غضــب

البارت 9

#انتقام غضب
بقلمي اميرةمحمد 🤎

لا تنسون التصويت+التعليق بين الفقرات🦋
_________
-ولو تدري انت شكد مهم
-ليليه بين نجومنا ندورلك لنجم
__________

حطيت أيدي ؏حلگي شاهگه من نفتح الباب ودخل اباوع لجوا رجليه الدم يقطر للگاع المنظر يرهب مرعب لدرجه ماعرف شأسوي تحرك شي بداخلي فرح لن داشوفه بهالمنظر
تقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع

قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد وكره

رفع رأسه اجت عيني بعينه كال بتعب ممزوج بوجع

غضب ـ هه هه ش.شعن.دج جايه تشمتين بيه

ابتسمت بنصر احس جاي اشوف شيطان كدامي ما تتخيلون كمية الكره الاكرهه

شوك ـ تعرف احس اليوم اجمل يوم بعمري واني اشوفك جثه هامده گدامي

غضب ـ هه تدرين هذا ولا شي من الوجع لبكلبي الوووجع لسببتو انتي وعائلتج

صار يعيط ولهسه أجهل سبب وجودي هنا

حجيت وياه بأدب ولعله يفك ياخه عني

شوك ـ شوف خليني اطلع من هذا المكان وصدقني ما راح احجي شي ولا راح أخبر الشرطه

غضب ـ لو تموتين شوفي بس بحلامج تطلعين من المكان

نرفزني وتعبت تعبتت هواااي منه صرت اصيح واضرب بيه

شوك ـ اللللله ياااخذك من كووون غضب اللله عليييك كون حوبتي ما تتعداااك يغضب

ضربته برجلي بكل ما عندي قوه بمكان الجرح صاح متألم

غضب ـ ااااخ خررر يووومج

ضربته مره ثانيه بمكان الجرح رغم حالته تعبانه لاكن هوا يقوي ما ينگدرله

بحركه سريعه منه سحبني من ايدي طبگه ورا ضهري وقرب وجهه عليه حجه بغضب مكتوم بعصبيه
غضب ـ شوفي ولج لا عبالج سكتت لج ترى والله ثم والله لندمج لخليج تتمنين ما حاجيه وياي بيوم

شوك ـ لييش أنت تعرف الله من كون موتك وخلصني منك كول اميين

غضب ـ صلفه ومالج رداد وما تخافين بس والله لربيج من جديد

شوك ـ من تروح فدوه بس لخلاقي طايح الحض

غضب ـ انه طاييح الحض

شوك ـ ليش اكو غيرنه هنا

غضب ـ اذا انه طايح حض فانتي شنو كولي شنو

بقيت ساكته

غضب ـ كوولي

شوك ـ ش.شنوو