Unicode
"အထိန်းတော်ကင် ပြောကြည့်ပါဦး ကိုယ်တော့်ကိုသဘောကျ
လို့ဆိုပြီး နိုင်ငံကိုအတင်းသိမ်း မိဖုရားခေါင်အတင်းလုပ်ခဲ့တဲ့သူက
အခုကျတော့ ကိုယ်တော့်ကိုသိပ်သဘောမကျတော့လို့
သူ့နိုင်ငံသူပြန်တော့မယ်တဲ့ ဖြစ်သင့်ရဲ့လား
တိုင်းပြည်ရဲ့မိခင်နေရာကို ယူချင်တိုင်းယူပြီး ပေးချင်တိုင်း
ပြန်ပေးလို့ရလား ?"
ဟာအိုရဲ့နန်းဆောင်ကပြန်ရောက်ပြီးနောက် ဟန်ဘင်းသည်
သူ၏အမြင်ကို အထိန်းတော်ကင်အားဒေါသတကြီး ပြောဆို
တိုင်တန်းနေတော့သည်။
"အရှင်မင်းကြီးက မိဖုရားခေါင်ဟန်နိုင်ငံပြန်သွားမှာကို
ဒေါသထွက်နေတာလား "
"အထိန်းတော်ကင် စကားကိုသေချာနားမလည်လိုက်ဘူးလား
သူပြန်သွားမှာကို ဒေါသထွက်တာမဟုတ်ဘူး
တိုင်းပြည်ရဲ့မိခင်က လုပ်ချင်ရာလုပ်မှာကိုခွင့်ပြုမပေးနိုင်တာ "
ဟန်ဘင်းရဲ့စကားကြောင့် ထယ်ရယ်ကပြုံးလိုက်သည်။
"မိဖုရားခေါင်ကြီး ရေထဲကျပြီးတဲ့နောက်ပိုင်း
အရှင်မင်းကြီးရဲ့ သူ့ပေါ်မှာထားတဲ့သဘောထား ပြောင်းလဲသွား
သလိုပဲ "
ပြုံးယောင်သန်းနေတဲ့ ထယ်ရယ်ကိုကြည့်ပြီး ဟန်ဘင်းစကားဆက်
မပြောချင်တော့တာမို့ ထယ်ရယ်ကိုလက်ပြပြီးအခန်းပြင်ထွက်ခိုင်း
လိုက်တော့သည်။
"သူ့နိုင်ငံသူပြန်တာကိုဘာလို့သဘောမကျရမှာလဲ
ဒီအတိုင်း တိုင်းပြည်ရဲ့မိခင်က လုပ်ချင်ရာလုပ်နေတာကိုခွင့်ပြု
မပေးနိုင်တာ "
"အရင်ကတော့ အတင်းအကျပ် မိဖုရားခေါင်ရာထူးကို
ယူပြီးမှ တာဝန်မယူချင်တော့လို့ရလား ။"
လွန်ခဲ့သောတစ်နှစ်က သူ့နိုင်ငံကိုတက်သိမ်းပြီး
မိဖုရားခေါင်ရာထူးကိုပေးပါက နန်းတော်အတွင်းအပြင်သာမက
မြို့တော်ကိုပါ အပျက်အစီးတစ်ပိုင်းတစ်စမျှမရှိခဲ့သည့်အတိုင်း
ပြန်ဖြစ်စေရမည် ။ထို့ပြင် ဟန်နိုင်ငံနှင့်ချစ်ကြည်ရင်းနှီးမှုရပြီး
စီးပွားရေး ၊ လူမှုရေး အဆင်ပြေစေရမည် ဆိုသည့်
ကတိများပေးခဲ့သည့် အဖြူရောင်ဝတ်ရုံနှင့်လူသည်
လူထူးဆန်းသဖွယ် ။ အစက ထိုရာထူးကိုယူကာ ဂိုယောင်းနှင့်မိမိကို ချုပ်ကိုင်ခြယ်လှယ်ချင်၍ ဤသို့ကမ်းလှမ်းလာသည်ဟု
ထင်သော်လည်း နောက်ပိုင်းတွင်
အုပ်ချုပ်ရေးပိုင်းမှာရော စီးပွားရေးပိုင်းမှာပါ ပါဝင်စွက်ဖက်ခြင်း
မရှိဘဲ မိဖုရားခေါင်တို့တာဝန်ယူရသည့် အနောက်နန်းဆောင်
အုပ်ချုပ်ရေးကိုသာ ဆောင်ရွက်ခဲ့သည် ။
YOU ARE READING
The King and Me (binhao)U×Z(completed)
Fanfictionလူနှစ်ဦးအဆုံးထိလက်တွဲသွားဖို့ဆိုတာ တစ်ယောက်ကိုတစ် ယောက်ချစ်နေဖို့ပဲလိုပါတယ် ။ တကယ်ချစ်တဲ့သူတွေကို ဘယ်အရာကမှခွဲထားလို့မရပါဘူး သေခြင်းတရား အပါအဝင်ပေါ့ ။
