Unicode
မနက်အစောကြီး မိဖုရားခေါင်၏ စားဖိုဆောင်ထဲတွင်
ဆူညံနေတော့သည်။
"မိဖုရားခေါင်ကြီး အပြင်ထွက်နေပါ လိုအပ်တဲ့ဟင်းကိုပြောရင်
ကျွန်တော်မျိုးတို့ကိုယ်တိုင် ချက်ပေးမှာပါ "
စားဖိုဆောင်ထဲဝင်လာကာ အင်္ကျီလက်တွေကိုခေါက်တင်ပြီး
အမှန်တကယ်ဝင်ချက်တော့မယ့် ဟာအိုကြောင့်
နန်းတွင်းစားတော်ကဲများက တားနေကြသည်။
"မလိုချင်ဘူး ငါကိုယ်တိုင်ချက်မှာပါဆို အကုန်လုံးသွားကြ
ဒီနန်းဆောင်ကြီး မီးမလောင်စေရဘူးကတိပေးတယ် "
ဘယ်လိုမှတားမရတဲ့အဆုံးစားတော်ကဲတွေက စားဖိုဆောင်အပြင်
မှာ မတ်တပ်ရပ်နေကြပြီး ရင်တမမနဲ့ မျက်တောင်ပင်မခတ်ရဲဘဲ
အတွင်းဘက်ကိုကြည့်နေရရှာသည်။ အကယ်၍မိဖုရားခေါင်
တစ်ခုခုဖြစ်သွားပါက မင်းကြီးက သူတို့ကိုသတ်လိမ့်မယ်။
ဘာလို့ဆို အခုတလော မင်းကြီးနဲ့မိဖုရားခေါင်ဆက်ဆံရေးက
အရင်ကထက်ပိုမိုကောင်းမွန်လာသည်မဟုတ်ပါလား ။
"အားလုံး ဘာလို့အပြင်မှာ မတ်တပ်ရပ်နေကြတာလဲ "
ဂွန်းဝုတစ်ယောက် မနက်ညီလာခံတက်ပြီး အပြန်
မနေ့က မြှားပစ်သင်ပေးဖို့ကိစ္စကိုငြင်းလိုက်မိတာကြောင့်
ပြန်တောင်းပန်ရန် ဟာအိုရဲ့နန်းဆောင်ကိုရောက်လာချိန်
ဧည့်ဆောင်ဘက်မှာတစ်ယောက်မှမရှိဘဲ
လူသံကြားရာကို လျှောက်လာကြည့်လိုက်တော့
နန်းတွင်းသူတွေနဲ့ စားတော်ကဲတွေအားလုံးတန်းစီပြီး
မတ်တပ်ရပ်နေတာကိုတွေ့လိုက်ရသည်။
ထို့နောက်အားလုံးက ဂွန်းဝုကိုမြင်ပြီး နောက်ဆုတ်ကာအရိုအသေ
ပေးပြီး ဟာအိုက ကိုယ်တိုင်ဟင်းဝင်ချက်နေကြောင်းဖြေလိုက်ကြ
တော့သည် ။
"အရင်တုန်းက မိဖုရားခေါင်က အဲ့လိုဝင်နေကြလား "
"မဟုတ်ပါဘူး အခုမှစဝင်တာပါ "
"အဲ့တာကို ဘယ်လိုလို့ တစ်ယောက်တည်းလွှတ်ထားရတာလဲ"
ဂွန်းဝုက စိတ်ပူပူနဲ့ဝင်သွားလိုက်တော့ သူ့အဖြူရောင်လေးက
ထင်းထည့်ပြီး မီးမှုတ်နေသည်။သူ့ကိုယ်ရံတော်ကတော့
ဓားကိုင်ပြီး မုန်လာဥလှီးနေသည်။
YOU ARE READING
The King and Me (binhao)U×Z(completed)
Fanfictionလူနှစ်ဦးအဆုံးထိလက်တွဲသွားဖို့ဆိုတာ တစ်ယောက်ကိုတစ် ယောက်ချစ်နေဖို့ပဲလိုပါတယ် ။ တကယ်ချစ်တဲ့သူတွေကို ဘယ်အရာကမှခွဲထားလို့မရပါဘူး သေခြင်းတရား အပါအဝင်ပေါ့ ။
