Unicode
"ခြေထောက်က အရမ်းနာနေလား "
ဟန်ဘင်းရဲ့အမေးကို ဟာအိုက ခေါင်းညိတ်ပြလိုက်သည်။
"အထိန်းတော်ကင် တော်ဝင်သမားတော်ကို မိဖုရားခေါင်ကြီး
နန်းဆောင်ဆီလာခဲ့ခိုင်းလိုက်ပါ "
"ဟုတ်ကဲ့ပါ မင်းကြီး "
"နန်းဆောင်ကိုပြန်ရအောင် "
"ဒါပေမယ့် ခြေထောက်က "
"ကျွန်တော်မျိုး ပို့ပေးပါ့မယ် "
ဟန်ဘင်းရောက်လာကတည်းက တိတ်နေတဲ့ဂွန်းဝုက
ဝင်ပြောလိုက်သည်။
"စစ်သူကြီးပတ်က ပြန်တော့ မိဖုရားခေါင်ရဲ့ကိစ္စကို
ကိုယ်တော်အဆင်ပြေသလိုလုပ်လိုက်မယ် "
ဆိုကာ ဟာအိုကိုပွေ့ချီဖို့ပြင်လိုက်တာကြောင့်
ဂွန်းဝုက ဟန်ဘင်းရဲ့လက်ကိုဆွဲတားလိုက်ပြီး…
"နဂါးဝတ်ရုံကြီးနဲ့မသင့်တော်ပါဘူးမင်းကြီး
ကျွန်တော်မျိုးကူပါရစေ "
ဂွန်းဝုရဲ့မသင့်တော်ဘူးဆိုတဲ့စကားကြောင့် ဟန်ဘင်း
ဂွန်းဝုဆီကိုအေးစက်စက်အကြည့်တစ်ချက်ပို့လိုက်ပြီး
ပြန်ပြောလိုက်သည်က
"နဂါးဝတ်ရုံ ဝတ်ထားလို့ ကိုယ့်မိဖုရားကိုယ်တောင်ပွေ့ချီခွင့်
မရဘူးဆို ကိုယ်တော်ဒီဝတ်ရုံကိုချွတ်ပစ်ရလိမ့်မယ် "
ဟုပြောကာ ဟာအိုကို ချီမပြီး ထွက်သွားတော့သည်။
ကျန်ရစ်ခဲ့တဲ့တတိယလူကတော့ လက်သီးကိုကျစ်ကျစ်ပါအောင်
ဆုပ်လျှက်…
"မင်းကြီး ~"
စိတ်တိုနေပုံရတဲ့ ဟန်ဘင်းကြောင့် ဟာအိုအသံကိုအတတ်နိုင်ဆုံးလျှော့ကာ တိုးတိုးလေးခေါ်လိုက်သည်။
"ဟန်ဘင်းလို့ခေါ် "
"ဟင်!!!"
"နှစ်ယောက်တည်း ရှိတဲ့အချိန်ဆို ဟန်ဘင်းလို့ပဲခေါ်လို့ရတယ်
ကိုယ်တော်ခွင့်ပြုတယ် "
ဟန်ဘင်းရဲ့စကားကြောင့် ဟာအိုဟန်ဘင်းရဲ့မျက်နှာကိုမော့
ကြည့်လိုက်မိသည် ။
ဆောင်းဟန်ဘင်းက သိပ်ကြည့်ကောင်းတာပဲ ။ ဒီပုံစံအတိုင်းဆို
ငါတော့ ဟန်နိုင်ငံကို မပြန်ဖြစ်ဘဲနေလိမ့်မယ် ။
YOU ARE READING
The King and Me (binhao)U×Z(completed)
Fanfictionလူနှစ်ဦးအဆုံးထိလက်တွဲသွားဖို့ဆိုတာ တစ်ယောက်ကိုတစ် ယောက်ချစ်နေဖို့ပဲလိုပါတယ် ။ တကယ်ချစ်တဲ့သူတွေကို ဘယ်အရာကမှခွဲထားလို့မရပါဘူး သေခြင်းတရား အပါအဝင်ပေါ့ ။
